Irijeka Katat Mulong wa Yishiken Yitina Kwiyokish Pakad Kulab

Mulong wak chid cha usey kwirijek? Yishiken yitina kwiyokish pakad kulab ap kutushichik mu opital yikutwish kutukashimwish ap kushiken pakad kutongin. Chawiy, irijeka katat chakwel wez utwish kwiyokish nawamp anch kwasadik chishiken cha mutapu mwamu. Anch wasal mwamu, ukumekesh anch ulimishin mwom ni chijil cha Yehova piur pa mash.—Mid 15:28, 29.

Mutapu ik ukutwisha kwirijek?

• Lembil ni izwish nawamp kart Instructions médicales (DPA).a In kulejan abatishinau kal akutwish kutambul kart DPA kud mukadivar usadining ku mikand mu chikumangen, akutwish kand kuyitambwil anau achidia kal anikanch Attestation individuelle (ic)

• Anch ukwet madikaj, yita amakurump a chikumangen chen chakwel akwink Informations pour les femmes enceintes (S-401). Dokima winou ukukukwash kukwat mipak yiwamp piur pa mutapu wa kwiyokish anch kwashiken milong chisu ukweta madikaj ni pa kuval

• Anch chitin kukwok ni umen anch kukutwish kwikal milong yitina mash ap akutwish kukushichik mu opital, yijikishamu amakurump kurutu kwa chisu, ijikish kand ku opital anch akwez kukutal kud Kaman wa Yehova

Mutapu ik ukutwishau amakurump kukukwash? Akutwish kukukwash kwizwish kart DPA. Pakwez, amakurump kakukukwatinap mipak piur pa mutapu wa kwiyokish ap kukulej yitongijok yau pa yom yimwitina muntu amwinend kukwat mupak. (Ro 14:12; Gal 6:5) Anch wayijikish amakurump anch ukimbin kwiyokish ni kukutwish kuletish milong ya mash, amakurump akwambamb pakad kulab ni Komite wa Kupan Ukwash ku Milong ya Opital (CLH) piur pey.

CLH ukutwish kukukwash mutapu ik? Akadivar a mu CLH ayifumbin mulong wa kuyikwash antu asadina ku ma opital ni mu milong ya dirumburish kwov kurumburik kwa mupak wetu piur pa mash. Akutwish kwisamb ni muntu ukukwoka piur pa milad ya kwiyokish yikutwishau kusadin mulong wa kwipuk kukutek mash. Anch chid cha usey, akutwish kukukwash kutan dokter ukutwisha kulimish mipak yey piur pa mash.

TAL VIDEO MUTAPU WA KUKWAT MIPAK YA KWIYOKISH YITINA KUSADIN MASH, KUPWA AKUL CHIPUL ECH:

• Yom ik wileja kal mu video winou yikutwisha kukukwash kwirijek mulong wa yishiken yitina kwiyokish pakad kulab yitina milong ya mash?

  Your answer