Yitukutwisha Kulond Piur pa Magazet

LA TOUR DE GARDE wa Ndol-M 15

“Ov, utongin anch tukez kaman ngand yakad uzwendj? [Mulika muntu akula.] Tal yikaninay Nzamb. [Tang Isay 65:21.] Nimero winou wa La Tour de Garde wisambidin mutapu ukeza kuwanyin kushilamu kwinoku.” Itenchika mulong wa kuchirik kushinshikin chipul chilondwila ech: Ov, chisu ik chikeza kuwanyin kushilamu kwinoku?

Réveillez-vous ! wa Ndol-M 22

“Antu avud ateshin kal anch karishish kadi ka usey mulong wa mujimbu uwamp, pakwez antu avud ij anch kakusalangap kwau karishish nakash. Ov, kimwawiyap? [Mulika muntu akula.] Gazet winou ushinshikidin ukwash wa karishish kakad kujingish ni uyudil mitapu yimwing tukutwisha kukandjik mu mwom wetu ukwatikena.”

LA TOUR DE GARDE wa Kalol 1

“Ap anch antu awonsu piswimp akat kulond ya chisambu, antu akangeny kwikal mu uumwing wa mangand. Ov, utongin anch kuchishiken chidi kwau chilat? [Mulika muntu akula.] Gazet winou upwitidin yitongijok ku winyikel ukutwisha kunung mangand.” Tang Kuseng 72:​7, 8, ni itenchika mulong wa kuchirik kwisamb mutapu chikusadika chom chinech.

Réveillez-vous ! wa Kalol 8

“Ov, wamen kal anch antu avud iyakamishin piur pa kupalangan kwiwejinaku kwa ruvundish ra chikit? [Mulika muntu akula.]” Nimero winou wa Réveillez-vous! ushinshikidin mulong wak tukutwisha kwikal ku ubaj ujim nakash nlel ni yik tukutwisha kusal chakwel kwichidij ayinetu.” Pwish nich kupan dikasikesh dia kushilamu kwongojina kudia ku Job 33:⁠25.