Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

CHINONG CHA KALAM cha Kach. 15

“B Antu avud iyakamishin nakash mutapu chikala kal chirung cha musambu cha kwisakin. Utongin anch chashadishin kal rutong rach? [Mulika muntu akula.] Gazet winou ushinshikidin mutapu yaku ya musambu yiswimpina chisu chawonsu. Wisambidin kand mutapu tukutwisha chakin kamu kumulimish Nzamb ni Kristu.” Tang Yohan 17:⁠3.

Réveillez-vous! wa Kach. 22

“Pasut kal piswimp mivu 85, chipupu cha mayej chajipa antu avud mwi mbing 24 kupandakan antu afa ku SIDA mu mivu 24. Amwing achitazukin anch chipupu chiyimp nakash cha mu rusangu. Ov, wateshap kal ya musong wa mashik wa mu Espagne? [Mulika muntu akula.] Gazet winou ushinshikidin ang chom chinech chikutwish kand kushiken. Upanin kand diyingishin dia ruchingej.” Tang Isay 33:⁠24.

CHINONG CHA KALAM cha Chiw. 1

“Antu akwet ukaliweny wa kusal yom yivud yiwamp, pakwez asadil kal chisu ni chisu yom yipandikena kuyip. Ov, wiyipulap kal mulong wak? [Mulika muntu akula.] Gazet winou upanin chakul cha Bibil. Urumburil kand mutapu uwamp ukuwina mu kupwish uyimp.” Tang Rom 16:⁠20.

Réveillez-vous! wa Chiw.

“Wiyipulap kal anch mangand makwikal mutapu ik kupwa kwa mivu 20 ap 30? [Mulika muntu akula. Kupwa tang Kuseng 119:105.] Bibil umunyikin mwi njil chakwel tutwish kujingunin yilamina machuku ma kurutu. Gazet winou ushinshikidin uprofet umekeshina kwisu twashika kal katat mu kulep kwa chisu ni mulong wak tukutwisha kuchingej machuku ma kurutu ma musangar.”