Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

Chinong cha Kalam cha Kach. 15

“Mu machuku ma misambu, antu avud apakishining kumekesh muchim uwamp ni ranaken. Ov, utongin anch mangand makwikal ndond yiwamp anch antu amekesh ranaken pa chirung chawonsu cha muvu? [Mulika akula. Kupwa tang 1 Pita 3:8.] Gazet winou wisambidin usey wa ranaken ni ujimbwil jinjil jimwing ja ukwash mu tukutwisha kurimekesh.”

Réveillez-vous! wa Kach.

“Ov, utongin anch akatish netu afila kal akez kwikal kand aom? [Mulika muntu akula.] Bibil ulondin anch kudi mutapu wa kutuchidij ku rufu. [Tang Kuseng 68:20.] Gazet winou ulejen mulong wak tufanyidinap kwakam rufu mudi nsudiel ya mwom.”

Chinong cha Kalam cha Chiw. 1

“Antu avud akat kulembil mulong wa kwez kwa Want wa Nzamb. Chilakej, shinshikin malembil ma katumb mayilejay Yesu in kwilej end. [Tang Mateu 6:9, 10.] Ov, wiyipulap kal chidia Want ni chisu chiukweza? [Mulika akula.] Gazet winou ulejen yilondinay Bibil pa mulong winou.”

Réveillez-vous! wa Chiw.

“Mu rusangu rawonsu ra muntu amband amana mar madiokila ku kasolikany ni chisum. Ov, mulong wak utongin anch chidi mwamu? [Mulika akula.] Shinshikin mutapu uyilejinay Bibil amakundj pa mutapu wa kuyilam akajau. [Tang 1 Pita 3:7.] Gazet winou ulejen kusutil Bibil mutapu uyimenau amband kudi Nzamb ni Kristu.”