Yivurish ya Chivurikish

Chivurikish cha muvu unou chikwikal Diakasatu, Ndol 12. Amakurump afanyidin kutal nawamp milong yilondwilaku ey:

◼ Piutenchikinanya chisu cha chikumangan, talany nawamp anch dibot ni nviny kangal ayisutish kurutu kwa muten kwandam.

◼ Muntu ni muntu, pamwing ni mwin kulond, afanyidin kumwijikish chisu ni ndond ya Chivurikish.

◼ Akukimb mulad wa dibot ni nviny yifanyidina ni kuyirijek kurutu kwa muten.​—⁠Tal Chinong cha Kalam cha Kasan 15, 2003, paj wa 14-15 (Français).

◼ Malong, jimpas, mes ni disun dia pa mes chifanyidin kuyitwal ku chot ni kuyal kurutu kwa muten.

◼ Chot cha Want ap ndond yikwau ya chikumangan chiwapin kuyikomb nawamp kurutu kwa muten.

◼ In kwakan ni in kusutish dibot ni nviny afanyidin kuyitond kurutu ni kuyilej yikusalau, mutapu wa kusadil ufanyidina kulondul, ni usey wa kudjal ni kwileng kufanyidina.

◼ Chifanyidin kwirijek mulong wa kutwal dibot ni nviny kudiay uzizidilau many udia chilim ap wakad kutwish kwikal ku Chivurikish.

◼ Anch yikumangen yivud yikusadil Chot cha Want chimwing, kufanyidin kwikal kwovijan kuwamp pakach pa yikumangen chakwel kwipuk runtu ramwamu ku chis, mu tubway, mwi ndond ya kwimikin motak ap jinking.