Nimero wa Pakampwil wa Réveillez-vous ! wa Kupan pa Mwinses
1 Antu avud kwawonsu akat kusanger kudil kwa atujil ni nsis ja kwandam kwa muten. Pakwez, antu avud kitiyiningap anch Tatuku wa mwiur mwin rukat ndiy wayitanga yom yiney. Tukez kwikal nich chisu cha pakampwil cha kulejan piur pa usakatang wa Yehova kusutil ku kwangan nimero wa pakampwil wa Réveillez-vous ! (Is. 40:28; 43:10) Nimero wa Mwinses ukwisambin mwawonsu mutu wa mulong ulondila anch: “Y-a-t-il un Créateur ?” (Ov, Kuding Sakatang?)
2 Mu Teritwar: Anch chitwishikin, irijeka chakwel kulejan ku chikumbu ni chikumbu pamwing ni chikumangen Diampos ni Diampos. Chakin kamu, ukutwish kupan nimero wa pakampwil yisu yikwau yawonsu mukach mwa rubing. Nimero winou ukutwish kuyisangaresh kand nakash alej ni antu asadila mu mudimu wa ulej. Chawiy lel, chifanyidin kusal yitenchik ya pakampwil mulong wa kuyendil antu inay awonsu adia mu teritwar wen.
3 Anch kwamekan kusanger, mwipula muntu chipul chiukeza kwakul piukweza ni kumutal kapamp kakwau. Chilakej, ukutwish kumwipul anch mulong wak Sakatang mwin rukat ulikidinay mar. Kupwa, chisu ukweza ni kumutal, ukutwish kumulej shapitre wa 1 ap shapitre wa 11 wa buku Chifundishinay Bibil. Ap kand ukutwish kumwipul chipul chitadila rutong ra Sakatang piur pa divu ni kupwa kand shinshikin shapitre wa 3 chisu ukweza ni kumutal.
4 Ku Shikol: Anch udi ku shikol, ov, ukutwishap kupan Réveillez-vous ! wa pakampwil kudi alej ey ni ambay ney a shikol mud chipan? Kutek kwau kopi umwing pa bang kukutwish kulangwish yipul piur pa yitiyij yetu. Ukez kwikal nich mitapu ya kusadil jinsangu jidiamu chisu uchidijina ritiy rey mu minsamb mu kalas ni chisu ufundina pa milong kanang. Chakwel kukukwash, nimero winou ukwet chikunku “Les jeunes s’interrogent. . . ” chikweta mutu wa mulong “Comment défendre ma croyance en la création ?” (Mutapu ik Nikutwisha Kuchidij Ritiy ram mu Yom Yatangau?)
5 Yehova ufanyidin uyaj ni katumb mulong wa yom yatangay. (Kubur. 4:11) Tukutwish kumwinkish Sakatang wetu uyaj ni kuyikwash antu akwau kusal mwamu nich kuzangurok kusutil ku kupan nimero winou wa Réveillez-vous ! wa Mwinses.