Nimero wa Pakampwil wa Réveillez-vous ! Ukezau Kupan pa Kalang!

¹ Antu avud akweting yipul ya kashinsh piur pa usey wa Bibil. Anch antu awiy amufunda, ov mulong wak umutazukiningau anch Dizu dia Nzamb? Ov, mulong wak nifanyidin kumuchingejin atakela nzau jam? Anch nasadil chisu cham ni usu wam chakwel nitang ni nileja Bibil, ov, nikutaninamu ik? Ov, nifanyidin kusadil dikarumun ik dia Bibil? Yiney yimwing ya yipul yakwilau mu nimero wa pakampwil wa Réveillez-vous ! wa Kalang ukweta mutu wa mulong ulondila anch: “Pouvez-vous avoir confiance en la Bible ?” (Ov, Ukutwish Kuchingejin Bibil?).

² Tukez kupan nimero winou wa pakampwil wa Réveillez-vous ! kudi antu awonsu adia mu teritwar wetu. Anch chitwishikin, lejan ku chikumbu ni chikumbu pamwing ni yid yikwau ya chikumangen Diampos ni Diampos mwin ngond wa Kalang. Pan nimero winou wa Réveillez-vous ! kudi anamakwey, amutej ney, ambay ney a mudimu, alej, ambay ney a shikol, ni antu ukeza kwendil. Send makopi makwau piuyila kuland yom ni piuyila mu weny. Amakurump akwit makopi makwau chakwel chikumangen chikala nich uvud uwanyidina.

³ Sambishany Dilejan dia Bibil: Anch wapan gazet, ukutwish kutek mufulandal wa dilejan dia Bibil kurutu upwisha minsamb yey. Chilakej, ukutwish walond anch: “Chisu chinikweza, nikez kukulej mutapu wakwilay Bibil ku chipul chinech, ‘Risu rutong ra Nzamb piur pa divu?’” Kupwa chirik nich buku Chifundishinay Bibil ni muleja mwin chikumbu paj wa 4-5, ap shinshikin nend paragraf wa 1-3 mu shapitre wa 3. Ukutwish kand kulond anch: “Chisu chinikweza, nikez kusanger twisamba ney piur pa uprofet wa Bibil uwanyidina katat.” Piukuchirika, muleja mwin chikumbu shapitre wa 9 wa buku ni isambinany pamwing paragraf wa 1-3. Ap ukutwish kumulej mwin chikumbu anch: “Antu avud chikat kuyikasiken kutesh kurumburik kwa yitanginau mu Bibil. Pinikweza, nikez kukulej mutapu ukutwisha kutesh nawamp kurumburik kwa yom yidia mu Bibil wey.” Piukeza kumuchirikin, sadil buku Chifundishinay Bibil, ni lejan mutapu wa kwilej.

⁴ Ching Bibil kusu ndiy ukweta “Mikand Yitumbila,” yikutwisha kutwinkish “manangu chakwel [tupanda].” (2 Tim. 3:15, Manswik Masu) Chawiy lel, etu awonsu tukez kupan nich mushiku nimero winou wa pakampwil wa Réveillez-vous ! mulong wa kuyikwash antu akudisha ruchingej mu Bibil!