Tukudishany Ukaliweny Wetu mu Mudimu wa Kulejan—Mu kupan Buku Chifundishinay Bibil

Chidia cha Usey: Buku Chifundishinay Bibil chidi chom chimwing chakusambish cha kusal nich mudimu pakach pa mikand yetu ya kulejan nich. Pakwez, kurutu kwa kusambish kwilej ni muntu, tufanyidin kumwinkish bil chakwel irijeka kurutu. Chawiy lel, etwawonsu tufanyidin kwikasikesh kwikal nich ukaliweny mu kupan buku Chifundishinay Bibil mu mudimu wa kulejan. (Jinsw. 22:29) Kudi mitapu yivud ya kusal, pakwez in kulejan afanyidin kusadil mitapu yikutwisha kwikal nich yibudikin yiwamp.

Mutapu wa Kusal:

Ipul chipul chisangareshina chiukutwisha kusadil mulong wa kumutwal mwin chikumbu mu shapitre kanang udia mu buku. Ukutwish kutond pamwing ap chipul chimwing pakach pa yipul ya kusambish ya shapitre ni shapitre. Kupwa kwa kumutesh mwin chikumbu, tang verse uwanyidina ni muleja paragraf umwing ulondina pa mulong winou ni isamba nend pamwing ap mu wiswimp.
Mutapu ukwau wa kusal, udi wakusadil mapaj ma kwinsambishil mulong wa kuvuvurish kusanger ni kumulej mwin chikumbu mutapu uletinau mu buku winou kwakul kudia mu Bibil. Chilakej, ukutwish kwisambin pa yom yiyimp yalejanau mu jinsangu ni kurumburil anch antu avud iyipula mutapu ukutwishau kwakul ku yipul yidia pa paj wa 3. Ukutwish ap kulond anch, ukat kuyendil amutej ney mulong wa kuyilej rusangu rimwing ruwamp nakash mulong wa machuku ma kurutu. Kupwa muleja yipich yidia pa mapaj 4-5 ni ipul anch, “Kushilamu ik ukimbina anch kuwanyina?” Mutapu ukwau wa kusal udi wa kulond anch, tukat kuyendil antu mu wiswimp mulong wa kuyikwash antu chakwel atana yakul ku yipul yijim nakash ya mu mwom. Kupwa muleja mwin chikumbu yipul yidia kwishin kwa paj wa 6, ni mwipula anch chipul ik chikusangareshina nakash.
Sadil mazu maswapela mulong wa kusambish dilejan dia Bibil. Ukutwish kulond anch: “Tuyikwashin amutej netu chakwel ileja Bibil. Ey wasadinap kal mwamu? [Mulika akula.] Anch ukwet ka chisu kakemp, nikimbin nikuleja mutapu wa kwilej mu kusadil Bibil wey.”

Pakish Kusal Mwamu pa Ngond:

Salany yakumenaku yimwing chisu usadilanya difukwil dien dia mu dijuku.
Chisu udianya mu mudimu wa kulejan, yileja akwen ulejena nau yom warijekang kal kulond. (Jinsw. 27:17) Swimp mutapu wey wa kulond anch ukwetap yibudikin yiwamp.