Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)
Chinong cha Kalam cha Kafumpul 15
“Tusotil kwijik yitongijok yey pa yom kanang yalonday Yesu. [Tang Mateu 5:5.] Pikukeza kuwanyin kushilamu kwinoku, ov, utongin anch mashakamin pa divu makez kwikal mud mutapu madia katat? [Mulika muntu akula.] Gazet winou ulejen kusutil ku Bibil mutapu ukezay Yesu kukarumun divu. Ulejen kand anany akeza kuswan divu.”
Réveillez-vous! wa Kafumpul
“Ov, utongin anch kitukezap kand kuyiman akatish netu afila kal? [Mulika muntu akula.] Tal yashilayimu Yesu piur pa afu. [Tang Yohan 5:28, 29.] Mutu wa mulong winou ulejen kusutil ku Bibil yikata kushiken pitukata kufa.” Lejan mutu wa mulong wa rusangu risambishidina pa paj wa 28
Chinong cha Kalam cha Mwinses 1
“Nlel antu avud kasangeridinap kwau relijon. Ov, utongin anch kwikal mwin Kristu kukutwish kukukwash kwikal muntu umwing muwamp? [Mulika muntu akula.] Tal yalonday Bibil anch yikezau kukimb antu amwing mu relijon mu machuku ma nsudiel. [Tang 2 Timoteu 4:3, 4.] Gazet winou ulejen mutapu difukwil diakin dimulimishina Nzamb ni mutapu tukutwisha niyetu kutaninamu.”
Réveillez-vous! wa Mwinses
“Antu avud akat kwiyipul anch chikwatijadin nich siyans kumwitiyij Nzamb. Ov ey, utongin nchik? [Mulika muntu akula. Kupwa tang Hebreu 3:4.] Nimero winou wa pakampwil wa Réveillez-vous ! ushinshikidin uman wayishikija in siyans amwing ku kumwitiyij Sakatang.”
[Mutu wa mulong udia pa paj wa 8]
Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)
CHINONG CHAKALAM cha Kalang 15
“Nich yaku yivud yijondila mwamu mu mangand, antu amwing akat kwiyipulang anch: ‘Ov, mulong wak nifanyidina kurish nakash chakwel kusal yom yitentamina?’ Ov, wiyovilap kal mutapu winou? [Mulika muntu akula.] Tal mazu minam makasikeshina. [Tang Jinswir 2:21, 22.] Gazet winou ulejen diyingish dia usey nakash dia kwikal utentamina.”
Réveillez-vous! wa Kalang
“Antu amwing atongining anch Nzamb ndiy ukata kulet yom yawonsu yikata kushiken. Anch mar mashiken, akat kulondang anch Nzamb ndiy wija mulong wak umaletinay. Utonginap nchik? [Mulika muntu akula. Kupwa tang Yakob 1:13.] Gazet winou ulejen yilondilay Bibil piur pa chiletina mar ni yisadilay Nzamb mulong wa kumapwish.”
CHINONG CHAKALAM cha Kach. 1
“Ov, utongin anch uprofet wa Bibil ukat kuwanyin nlel? [Tang Mateu 24:11. Kupwa mulika muntu akula.] Gazet winou wisambidin mafundish mamwing mijikena kwawonsu. Ulejen kand mutapu tukutwisha kwipuk kwikal adimbinau kudi alej a makasu.”
Réveillez-vous! wa Kach.
“Ov, muntu ik ukutwisha kutond mudi uyipandakenamu antu awonsu kujimb weza kwikalaku? [Mulika muntu akula.] Antu avud amumening Yesu mudi muntu umwing uyipandakenamu antu awonsu kujimb. Shinshikin yikezay kusal pa divu chidiay Mwant wa Want wa Nzamb. [Lejan chipich chidia pa paj wa 8-9, ni tang mufund umwing pa mifund yikasikeshidinau.] Gazet winou wisambidin mutapu ni chisu chikezay Yesu kuwanish yom yiney.”