Yitukutwisha Kulond Piur pa Magazet

LA TOUR DE GARDE wa Kafum. 15

“Kupwa kwa rufu ra rinkanku, antu avud akat kwipulang anch yom ik yikata kusadik ku rufu. Ov, utongin anch chitwishikin kwov kurumburik kwa rufu? [Mulika muntu akula.] Gazet winou urumburil yilondilay Bibil piur pa mwikadil wa afu. Wisambidin kand kushilamu kwa Nzamb kwa kuyivumbul akatish netu afila kal.” Tang Yohan 5:​28, 29.

Réveillez-vous ! wa Kafum. 22

“Ov, wadi wij anch kuya kutalijol yom kwikadil kal mudimu wa kusambish mu mangand? [Mulika muntu akula.] Kuvulijan kwa kuya kutalijol yom kwaletin kal ukwash ni milong. Gazet winou ushinshikidin kuwap ni kuyip kwa katat kwa mudimu wa kuya kutalijol yom. Upanin kand yiyul kanang kud in kwendangan a mangand mawonsu.”

LA TOUR DE GARDE wa Mwins. 1

“Mu mangand ma katat, kushinshaman yidi ngikadil yiwamp yitumbishinau nakash pa ndond pa kuyisadin. Ov, chelangap kwikal chiwamp anch antu avud ading mud murund urumburilau pinap? [Tang Jinswir 17:17. Kupwa mulika muntu akula.] Gazet winou wisambidin yiyukish ya kwikal ushinshamena mu dijuku dietu ni kud arund netu.”

Réveillez-vous ! wa Mwins. 8

“Pamwing ap washimokin kal nakash pa kuman kwovijan kudia mu yom yatangau. [Isambinap chilakej chimwing chijimbwilau mu mutu wa mulong.] Ov, chidiap cha ushon anch twaman kulik kwovijan nakash pakach pa antu? [Mulika muntu akula.] Gazet winou urumburil mutapu ukuletay katat kamu ak Nzamb chisambu ni chovu pa divu dietu.” Tang Isay 11:⁠9.