Yom ik Ukeza Kusal Nich Mwom Wey?
1 Yisu yimwing akat kuyipul an anch: “Ov, chom ik usotina kusal piukeza kwikal mukurump?” Piwadinga nsand, ov, wadinga ni kulond anch ukez kwikal kafung wa angomb? mwin mudimu wa kujim kasu? kalam wa munyimuku? Anch uchidi changadim, ov, ukutwish kulond anch usotin kwikal mwin kuja maj, mwingang? ap mishoner? Katat wikala kal mukurump, ufanyidin kwiyipul amwiney chipul ech, ‘Yom ik nikeza kusal nich mwom wam?’ Ov, ukutwish kukwat mupak?
2 Chakwel kukukwash ukwata mupak uwamp nakash, ditenchik dia Yehova diarijekin kal DVD les jeunes s’interrogent...Que vais-je faire de ma vie ? Tal amboku, ni kushinshikin nakash pa yitongijok yawonsu yidiamu, kuwejaku ni dram, ma interview, ni malejan makwau. Yidiamu ayilejen kusutil ndond pafundinau anch: “Yidiamu.”
3 Dram: Piutadila dram, shinshikin yipul ey: (1) Ov, kufanakan ik kudia pakach pa Timoteu, ulejenau mu Mifund ya Ukristu ya Ugrek, ni Andre? (Midimu 16:1; 1 Tim. 4:8; 2 Tim. 1:5) (2) Ov, nany wamubachika Andre kusal usu wa kwipandakanamu mu kubambel? (3) Nany wamekana kwikal nich chibachikin chiwamp cha kumukwash Timoteu ni Andre chakwel akwata mupak uwamp, ni mutapu ik? (2 Tim. 1:1-4; 3:14, 15) (4) Ov, dibabesh didia mu Mateu 6:24 ni mu Filipoi 3:8 dikala ni chibudikin ik padi Andre, ni dikubachikin kusal ik?
4 Yikunku Yarijekau: Kupwa kwa kutal dram mwawonsu, chirikin kand yikunku yilondwilaku, ni akul ku yipul yiney. “Paul ni Timoteu”: Ov, kubabesh ik kwa Paul kwadinga kwa nsudiel kudi Timoteu? (2 Tim. 4:5) “Kusal chipandakena kuwap”: Ov, jintong ik ja mu spiritu ufanyidina kwikal nich? “Kwikal ku mutambu wa Yehova”: Kwisu kudiokila chakin kamu musangar wakin? “Chiyul cha ngakend mband”: Ov, mulong wak chiwapinap kwikal nich katumb kapandakena mu mangand ma Satan? (Mat. 4:9) “Kangal Winan”: Ov, yom ik ya ukwash ukutwisha kujingunin chakwel utwisha mu mwom?—Jinsw. 10:22.
5 Ma Interview: Piutadila chikunku ni chikunku chilondwilaku, ov, yom ik umena anch ukutwish kusal chakwel umusadina Yehova yom yipandakena kuwap? (1) “Ov, Kwipan mu Kulondul Yom Yamwamu ap Kwipan kudi Nzamb?” (1 Yohan 2:17) (2) “Ileja Mutapu wa Kusanger Mudimu Wey wa Kulejan.” (Kus. 27:14); ni (3) “Chis Chanzurikina Mulong wa Mudimu.”—Mat. 6:33.
6 Akat Kurumburil Yasalau Pasak: Ov, ukutwish kwakul? (1) Midimu ik yadingau ni kulondul mukadivar ni nambaz, ni mulong wak? (2) Ov, mutapu ik watwishau? (3) Ov, kukarumuk ik kwamekana mu mwom wa muntu ni muntu? (2 Kor. 5:15) (4) Ov, midimu ik ya uteokras yaswinkana pa midimu yau yadingau ni kusal pasak, ni mulong wak wiyovau anch kafanyidinap kulondul yawonsu yaad? (5) Ov, ova ushon mulong wa kuswimp ntong jau mu mwom? (6) Ov, yom ik yalondau yikubachikina kutongin pa yiufanyidina kusal nich mwom wey?
7 Ma interview Makwau: Yom ik wilejina mu chikunku ni chikunku, yiukutwisha kusadil nakash amwiney mu mudimu wa Yehova? (1) “Usey wa Dilejan dia Muntu Ipend.” (2) “Kupan Uman mu Mitapu Kushalijan.” (3) “Mudimu wa Bethel.” (4) “Shikol ya Gilead.” (5) “Shikol ya Diyiy dia Mudimu.”—Tal kand “ Mu Index chakwel umana Mikand Yilejena Jinsangu Jinej,” ni tang nakash piur pa yom yikusangareshina nakash.
8 Ov, wakwatin kal katat mupak pa yiukeza kusal nich mwom wey? Paul wamukasikesha Timoteu anch: “Lamat ku mudimu winou; sok mu yom yiney; chakwel kujimb kwey kukumekan kudi antu awonsu.” (1 Tim. 4:15) Tukukasikeshin chakwel usala chilik chimwing nich yom wamena ni kutesh mu DVD winou. Mwita Yehova chakwel akukwasha kukwat mupak wa manangu piur pa yom yikeza kukwinkish chakin kamu musangar ni kutwish mu mwom, chiyukish ni musangar mu machuku ma kurutu.
[Picture on page 6]
MENU PRINCIPAL
Drame
Chapitres (Yikunku 11)
Interviews
Démarrer
Sections (Yikunku 3)
Souvenirs
Suppléments
Autres interviews
Index de publications traitant des sujets abordés
Sous-titres
Texte à l’écran
Malentendants
Aucun
Mulong wa kukimbijol manans madiamu, sadil mabuton ma kukimb nich Suite, Retour, ni Menu principal.