Yitukutwisha Kulond Piur pa Magazet (Anch kwikil mu Uruund, sadilany amboku magazet ma Français)

Chinong cha Kalam cha Kalol 15

“Ov, wamen kal anch nlel antu avud itekidin yijidik yau ayinau piur pa chom chitentamina ni chiyimp? [Mulika akul.] Tal chilakej cha umutakel wa chikupu udia mu Bibil. [Tang verse umwing udia mumushet udia pa paj wa 6-7.] Gazet ou urumburil mutapu tutanidinamu mu kusadil yijidik ya usey yidia mu Bibil.”

Réveillez-vous! wa Kalol

“Etu awonsu tuswiridining nfalang mu mwom. Ov, utongin anch chitwishikin kukwatikan nakash kukimbang nfalang? [Mulika akul.] Shinshikin yilondinay verse ou piur pa yishiken ya kukimbang mapit. [Tang 1 Timote 6:10.] Gazet ou uletin yiyul yimwing ya ukwash piur pa mutapu wa kupipej mwom wey ni mutapu wa kushakam nawamp nich nfalang jikemp.”

Chinong cha Kalam cha Kafunfut 1

“Ov, wiyipulap kal mulong wak uyimeshiningau mar antu a ulombu windjing, a ngand yindjing ap alondina rudim rindjing? [Mulika akul.] Tal diyingish diletinau mu verse ou. [Tang 1 Yohan 4:20.] Gazet ou wakwil chipul chinech, Ov, Michid Yikutwish Kwovijan?”

Réveillez-vous! wa Kafunfut

“Antu akwet ukaliweny wa kutond yijil ya mwom yikutwishau kulondul, ashalijadin nau annam akata kusal nich manangu ma winnam. Ov, ey utongin anch kwisu kutukutwisha kutan umutakel wakin? [Mulika akul. Kupwa tang Kuseng 119:105.] Gazet ou wisambidin kujimb kwa umutakel udia mu Bibil.”