Yivurish ya Chivurikish

Amakurump afanyidin kutal nawamp milong yilondwilaku ey chirijekinau Chivurikish:

◼ Talany nawamp anch yijingidij kangal ayisutish kurutu kwa muten kwandam.

◼ Kimbany mulad wa mukat ni nviny yifanyidina ni kuyirijek kurutu kwa muten.—Tal Chinong cha Kalam cha Kasan 15, 2003, p. 14-15, (Français).

◼ Malong, jimpas, ni mes ni disun yiwanyidina chifanyidin kuyitwal ku chot ni kuyirijek kurutu kwa muten.

◼ Chot cha Want ap ndond yikwau ya chikumangan chiwapin kuyikomb nawamp kurutu kwa muten.

◼ In kwakan ni in kusutish mukat ni nviny afanyidin kuyitond kurutu ni kuyilej yikusalau, mutapu wa kusadil ufanyidinau kulondul, ni usey wa kudjal ni kwileng kufanyidina.

◼ Amakurump afanyidin kwirijek mulong wa kumutwadil mukat ni nviny chid chizizidilau many udia chilim ap wakad kutwish kwikal ku Chivurikish.

◼ Anch yikumangen yivud yikusadil Chot cha Want chimwing, kufanyidin kwikal kwovijan kuwamp pakach pa yikumangen chakwel kwipuk runtu ramwamu ku chis, mu tubway, ni mwi ndond ya kwimikin motak ap jinking.

◼ Anch kudi ndond yikwau ya kukumangan, ikalany nich kashinsh anch kukwikal yisaj yiwamp ya kujimbish nich dizu chakwel antu awonsu amutesha nawamp mwin kulond.