Yitukutwisha Kulond Piur pa Magazet

(Anch kwikil mu Uruund, sadilany amboku magazet ma Français)

Chinong cha Kalam cha Ndol 1

“Mulong mapit ma divu amayipishin nakash, ov, wiyipulap kal anch divu dikez kupand? [Mulika akula.] Tal cha kushilamu chinech chongojina. [Tang Kuseng 104:5.] Mutu wa mulong unou ulejen yom yilondinay Bibil mulong wa dikez dia divu.” Muleja mutu wa mulong usambishidina pa paj wa 10.

Révellez-vous ! wa Ndol

“Etu awonsu tukwatiken nakash, chiyikasikedin antu avud kwitekin chisu cha kumwifukwil Nzamb. Ov, niyey umen anch chikukasikedin? [Mulika akula. Kupwa tangany Efes 5:15-17.] Mutu wa mulong unou uletin chitongijok chovikena cha Bibil chilejena chisu ni usu yituchingejidinay Nzamb anch tumwinkisha.” Muleja mutu wa mulong udia pa chipich pa paj wa 20.

Chinong cha Kalam cha Ndol-Mem 1

“Antu avud alondining anch akutwish itiyij ching yimenau ni mes. Ov, niyey uyitiyijin? [Mulika akula. Kupwa tangany Rome 1:20.] Gazet unou ukasikeshidin ngikadil yisatu ya Nzamb yitukutwisha kuman patok ni mes mu yom yatangau ni urumburil mutapu yikutwisha kwikal nich usu padi etu anch twayijik ngikadil yiney.”

Révellez-vous ! wa Ndol-Mem

“Antu nlel akwet wom wa machuku ma kurutu. Ov, utongin anch yom yikupandakan kuwap bil, anch yikupandakan kuyip? [ Mulika akula. Kupwa tangany Kuburik 21:3, 4.] Gazet unou urumburil mulong wak utufanyidina kumuchingejin Nzamb anch ukupwish piswimp ap kamu milong yikash yikangenyau antu kupwish.”