Yitukutwisha Kulond Piur pa Magazet

LA TOUR DE GARDE wa Ndol 15

“Ov, kudiap muruzu wa jinsangu jakad kupwang nlel? [Mulika muntu akula.] Pakwez, kwikil rusangu rikweta usey kupandakanamu rirumburilau mu verse winou. [Tang Yohan 17:⁠3.] Gazet winou ulejen chirumburikina dizu ‘mwom wa chikupu’ ni mutapu ik tukutwisha kwak ronganyin ritwadila ku mwom wa chikupu.”

Réveillez-vous ! wa Ndol 22

“Ap anch chitwishikin anch Yesu Kristu wijiken nawamp kupandakanamu muntu win mwawonsu wikalaku, antu avud akat kwiyipul anch udi nany chakin. Ov, wij anch ap apostol a Yesu amwinend atongina pa mulong winou? [Mulika muntu akula. Kupwa tang Marko 4:41.] Gazet winou ushinshikidin yilondilay Bibil piur pa chidiay chakin kamu Yesu.”

LA TOUR DE GARDE wa Ndol-M. 1

“Anch muntu kanang tukatina wafa, tukat kusotang kand kumuman muntu winiwa. Ov, kimwawiyap witiyijina? [Mulika muntu akula.] Antu avud atanin rongoj mu kushilamu kwa Bibil kwa divumbuk. [Tang Yohan 5:​28, 29.] Gazet winou wambambidin chisu chikusadika divumbuk ni nany ukutaninamu chakin.”

Réveillez-vous ! wa Ndol-M. 8

“Anvaj avud akat kutond yom yiyitiyidinau anau kutal. Ov, chidingap chikash kutan masinema mawamp mulong wa dijuku diey? [Mulika muntu akula. Kupwa tang Efes 4:17.] Gazet winou ushinshikidin mutapu ukutwishau anvaj kuyikwash anau kutond kwipuwangesh kudia kuwamp.”