“Want Wey Weza” malembil makatau kuchirikin kudi mamiliyon ma antu
Ov, walembilap kal chakwel Want wa Nzamb weza? Kudiosh pakur, mamiliyon ma antu makat kuchirikin mazu “Want wey weza.” Mulong wak akat kulembil mwamu? Mulong Yesu wayileja in kwilejend anch ita Want wa Nzamb.
Kwinsambishin, in kwilej a Yesu kwovap kurumburik kwa yom yawonsu yalonday Yesu piur pa Want. Chawiy amwipula anch: “Ov, Nsalejetu, chisu chinech chawiy chiusotila kuyichirishin in Isarel want wau?” Chimeken anch ashimoka nakash palikay Yesu kuyilej chisu chikweza Want wa Nzamb. (Midimu 1:6, 7) Ov, chinech chirumburikin anch tukutwishap kwijik chirumburikina Want wa Nzamb ni chisu ukweza? Bwat kamu!
Nimero winou wa Chinong cha Kalam ukukukwash kutan yakul ku yipul yilondwilaku ey:
Mulong wak tukwet kuswir kwa Want wa Nzamb?
Nany udia Mwant wa Want wa Nzamb?
Want wa Nzamb ukuyikel pa divu chisu ik?
Want wa Nzamb ukuwanyish ik?
Mulong wak tufanyidin kunung chikas ku Want wa Nzamb kusambish kamu katat?
Want wa Nzamb chom ik?