Irijekany Nawamp Mulong wa Chivurikish

Musangar ni kwitapil dilau mudi ik kudi in kwilej a Kristu kwirijek nawamp mulong wa urel pitukeza kuvurik rufu ra Yesu Kristu! (Luka 22:19) Yom ik ya usey yitufanyidina kusal mulong wa kwirijek mulong wa Chivurikish?

◼ Chisu ni Ndond ya Kusadil: Muntu ni muntu ufanyidin kwijik nawamp chisu ni ndond yikusadilau Chivurikish. Anch yikumangen yivud yikusadil ku Chot cha Want chimwing, chidi cha usey kushik kurutu kwa chisu ni kubudik mu mutapu uwamp, mulong chisu chikusutishau chakwel chikumangen chikwau chisambisha chidi chikemp. Salany usu wa kwipuk kwimanijol ni kwizul chamwamu mu yis ya kwandamin, mwinzezil, mu mikombil, ni mu jindond ja kwimikin motak ap jinking.

◼ Maladikij: Ov, in kulejan awonsu akwet uvud wa maladikij uwanyidina, ni ij yom yidiamu? Ov, wasadilany chakumenaku chilejena mutapu wa kupan diladikij? Ov, nany ukwinkisha diladikij? Salany usu wa kupan maladikij mawonsu.

◼ Mutapu wa Kwend: Antu amwing asangaredina pamwing nau akadivar ni anambaz akuswirikena mutapu wa kwend ap kuyikwash mu mutapu ukwau wa pakampwil. Yitenchik ik wasadilanya mulong wa kubangin maswir mau?

◼ Yijingidij: Shinshikinany anch yijingidij anch kangal wayisutishany kurutu kwa muten kwandam. Salany yitenchik mulong wa kumutwadil yijingidij, mwin Kristu uzizidilau many udia chilim ap wakad kutwish kwez kukumangan. Chifanyidin kusadil mukat ni nviny yifanyidina. Tal mu Chinong cha Kalam cha Kasan 15, 2003, pa paj wa 14-15, paragraf wa 14, 17 (Français).

◼ Chot cha Want: Chifanyidin kuchirijek ni kuchikomb nawamp kurutu kwa chisu. Malong, jimpas ja kutekin nviny, ni katebur kawamp ni diswin dia kubwikap chifanyidin kuyitwal ku chot kurutu kwa chisu. Anch wasadilany ndond yindjing ya kukumangen, shinshikinany anch kukwikal yitenchik yiwamp mulong wa kujimbish dizu chakwel antu awonsu akumangena amutesha mwin kulond. In kwakan ni akusutisha yijingidij chifanyidin kuyitond ni kuyilej kurutu kwa chisu midimu yikusalau, mutapu uwamp ukusadilau, ni maswir ma kudjal ni kwikil nawamp.

Pa chinship chinech chijim nakash, Chivurikish cha rufu ra Yesu Kristu, tusotin muntu ni muntu irijeka nawamp ni chikumangen kumwing. Chakin kamu, yiyukish ya Yehova yikez kwikal padi antu awonsu akumekesha muchim wa kusanger ni kujikitish mulong yom yawonsu yasalay Yehova mulong wa antu kusutil ku mulambu wa Mwanend mukatish, Yesu Kristu.