Yakul Ku Yipul Yen

◼ Chom ik ufanyidina kusal anch akukand ulika mudimu wa kulejan?

Pa yisu yimwing ampurish ayikwata in kulejan adinga asadila mudimu wa kulejan mu mutapu kanang, ni ayilej anch ajiril kal chijil, ni ayikand anch alika. Ufanyidinany pakad kulab ni nich kalimish diokalany mu teritwar winou anch akulejany mwamu. (Mat. 5:41; Filip. 4:5) Kangal wasotany kupakish kupwish milong yiney ey amwiney nich kukakalijan piur pa mbil yitukweta. Anch chitwishikin, nich manangu fundany nimero wa mukurump wa ampurish ni nimero wa kwolikwend. Kupwa, pakad kulab yijikisha amakurump, niyau akumwijikish swa biro wa mutiy piur pa mulong winou. Chawiy chimwing kand, anch akwopat kudi in chikumbu ap mu rupangu mushicha antu avud kudiay mwin chikumbu ap kudiay muntu utadila yikumbu yawonsu, ufanyidin kuziyil kapamp kamwing ni kuyijikish amakurump swa. Kwitudish ni kwikepish pa kupwish milong yiney ni antu akweta ulabu kukutwish kwakangesh kushiken kwa yom yikash.—Jinsw. 15:1; Rome 12:18.