Chirikany Amboku Swa

Kuyichirikin swa anany? Antu ita mukand ap kuyishil magazet chisu chawonsu ap asotina anch Kaman ayendila kwol kwau. Kwisu kukata kudiokal kwit kwinoku? Kud antu akata kufundin ap kutum nshing ku biro wa mutiy kusutin ku adres wetu wa site wa Internet. Anch kwamekan kusanger kwinoku, biro wa mutiy ukat kwijikish chikumangen cha piswimp kusutin ku fomu S-70, dipaper dikweta mutu wa mulong “ Veuillez à ce qu’un proclamateur expérimenté rende visite à cette personne. “ Anch amakurump atambul fomu S-70, afanyidin kumupan swa kud mwin kulejan ukeza kulondul nawamp kusanger kwinoku. Anch chikasiken kud mwin kulejan kumutan muntu kwol kwend, chitwishikin kud mwin kulejan kumutazuk kwi nshing ap nich kusadil manangu kusha kamukand. Anch akwit kumwendil muntu mwamu, sal usu wey wawonsu chakwel kumanijan ni muntu winou swa.