Shikol ya Mudimu wa Uteokras ya 2004

¹ Yehova uyiwanyishin antu amwishin nakash kusal mudimu ujim mu mangand. Mutapu umwing ukatay kusal mwamu udi kusutil ku diyiy dia rubing ni rubing dia Shikol ya Mudimu wa Uteokras. Ov, ukat kuyisadil mud chitwishikina kwambatan nich ngikadil yey? Pa Chiwong kukwikal yitenchik yikemp nich chitongijok cha kuyikwash an a shikol kwisakin sens ku yitenchik yiney.

² Kuswimp Mwin Kupan Yiyul Nkwash: Akadivar akata kusal madiskur ma mafundish ni milong yijim ya Baibel asangaredin ukwash wayinkishinau kud mwin kupan yiyul nkwash. Kudi amakurump avud ayifuvu, mudimu wa mwin kupan yiyul nkwash akuwambulijan pa muvu pa muvu. Wawiy mutapu, ukutwishau kukwashijan kusal mudimu ulimina; pakwez cha usey nakash, amakurump nau ankwash’a mudimu akez kutaninamu mu ukaliweny wa in kulond ayifuvu ni alej kushalijan.

³ Program wa Dichirikin dia Yipul ni Yakul: Anch chikumangen chen chikwet chikumangan cha munyimuku pa rubing rikusadika dichirikin dia yipul ni yakul, chifanyidin kubachikin ku rubing ra kurutu dichirikin dined (pamwing nich yikunku yikwau ya program wa rubing) ni yom ya rubing rinira yifanyidin kuyichirish ku rubing riner ra chikumangan. Pakwez chidiap kwau cha usey kuswimp maprogram ma mbing jawonsu jaad ang kuchirikinamu kwa yipul ni yakul kwawil pa rubing ra kukwendilany kud kalam’a munyimuku. Pakwez, muminy, ukaliweny wa kulond, ni milong yijim ya kutang kwa Baibel chifanyidin kuyisal mud kamu mutapu uyitenchikinau ku program. Diskur dia mafundish (dikatau kusal kupwa kwa ukaliweny wa kulond) difanyidin kudiokal mu program wa rubing rilondwilaku. Kupwa kwa milong yijim ya kutang kwa Baibel kukez kulondul Chikumangan cha Mudimu cha aminit makum masatu, chikutwishau kutenchik chakwel chikala ap cha yikunku yisatu ya aminit 10 chimwing ni chimwing ap yaad ya aminit 15 chimwing ni chimwing. (Kukwilap yijikish.) Kupwa Chikumangan cha Mudimu kukez kulondul muminy ni program wa aminit makum masatu wa kalam’a munyimuku. Shikol ya Mudimu wa Uteokras ya rubing rambakedina yikez kwikal nich ukaliweny wa kulond ni milong yijim ya kutang kwa Baibel mud kamu mutapu uyidia ku program, kupwa pa kulondul kuchirikinamu kwa yipul ni yakul.

⁴ Isakina sens yisu yin yawonsu mulong wa kukul mu spiritu. Chiwisakidina sens kudiokal ku malejan ma Shikol ya Mudimu wa Uteokras, ukat kukasikesh chikumangen chey, sadil pamwing mu kuwanyish uprofet wa Baibel, ni pan uyaj kud Musul wa uruu wamushena utufanyidina kulejan.​—⁠Is. 32:​3, 4; Kuj. 9:19.