Yikwasha Kutambul Uman Ukwau
Pitukata kulejan rusangu ruwamp, tukat kusankanang chisu chivud antu ashicha kulemp ni teritwar wetu ap antu akata kulond rudim rikwau, ni rudim ra yijingidij. Akwau tukata kwisamb nau ayila kurutu mu minsamb ya Bibil akutwish kudiokal mu teritwar wetu. Mutapu ik tukutwisha kusal chakwel anch antu mud inay atambula kand uman ukwau? Chidi kusutil kusadil fomu Intérêt à suivre dans une langue étrangère (S-70a) udia katat mu yikumangen yetu. Kupwa, tukusadil fomu Veillez suivre l’intérêt (S-43).
2 Chisu chivud antu ateshining nawamp nakash rusangu ruwamp chisu chiyilejinau mu rudim rau ra chivadik. (Midimu 22:1, 2) Chawiy lel, mu yisu yimwing, anch twatan muntu ulondila rudim rukwau, tufanyidin kwizwish fomu ap anch muntu kamekeshinap kwend kusanger mu uruu wa Want. Pakwez, kwi ndond kudia antu a mu chisiken akata kulond dizu dindjing akata kutambul chisu ni chisu uman mu dizu diau, chikwikalap kwau cha usey kwizwish fomu ching kamu anch kumeken kusanger.
3 Kwizwish Fomu: Pakish nich manangu kutambul dijin dia muntu, adres wend, ni nimero wend wa telefon. Lejan chilik cha kusanger kumekeshinay, chisu chikutwishau kumwendil, mukand wamwinkishang ap witinay, ni rudim rikatay kutesh nawamp. Kupwa kwa kwizwish fomu, mupana swa kud kalam wa ujindj wa chikumangen ukumutuma ku chikumangen ap ku chirund chifanyidina.
4 Kutum Fomu: Anch kalam wa ujindj kijap kwend chikumangen ap chirund chifanyidina kutambul fomu ap anch kakwetap adres wa kutumin mikand, ukutwish kutum telefon ku Bureau de service (Biro wa Mudimu) wa mutiy chakwel kutambul jinsangu jiswirikidina. Chidiap cha usey kumwijikish kalam wa musumb chisu utuminany fomu winou.
5 Chisu chin chawonsu chikutambula chikumangen ap chirund fomu Intérêt à suivre dans une langue étrangère wa kwizwish kal, chifanyidin kusal swa yitenchik yifanyidina chakwel kuya ni kumutal muntu. Pitusadila nich mushiku mudimu wetu, tukutwish kuchingej anch Yehova ukufungul michim ya antu “adia mu mwikadil ufanyidina kutambul mwom wa chikupu.”—Midimu 13:48, NW.