Tukudishany Ukaliweny Wetu mu Mudimu wa Kulejan​—Kupan Uman Kudi Muntu Ulondina Rudim ra Wingendj

Chidia cha Usey: Yehova usangaredining ukash wa muspiritu wa antu a “michid yawonsu.” (Mid. 10:34, 35) Chawiy chalonday Yesu anch rusangu ruwamp akez kurilejan pa “mangand mawonsu” ni “kudi antu a michid yawonsu.” (Mat. 24:14) Zakariy wabwaka anch antu a ‘jindim jawonsu ja michid’ akez kwitiyij rusangu ruwamp. (Zak. 8:23) Kukwatijan nich chishimushimu chamanay Yohan, pakach pa antu akeza kupand ku mar makash mukez kwikal “michid yawonsu ni majuku mawonsu, antu a mangand mawonsu ni jindim jawonsu.” (Kuj. 7:9, 13, 14) Kukwatijan ni mazu minam, anch twatanijan ni muntu ulondina rudim rindjing mu teritwar, tufanyidin kusal usu wa kumulej rusangu ruwamp.