Tukudishany Ukaliweny Wetu mu Mudimu wa Kulejan—Kutal Muntu ni Muntu wa mu Teritwar Wetu

MULONG WAK CHIDI CHA USEY: Zakariy wabwaka anch antu a mazu ni michid yawonsu akez kitiy rusangu ruwamp. (Zak 8:23) Pakwez nany ukuyifundisha? (Ro 10:13-15) Tukwet dilau ni chisend cha kupalangesh rusangu ruwamp kudi antu awonsu a mu teritwar wetu.—od paj 95 par. 2-3.

MUTAPU WA KUSADIN:

• Kwirijek. Ukat kusankan antu alondina dizu dikwau? Ukutwish kusadin Application JW Language mulong wa kwilej mutapu wa kwambamb mu wiswimp. Ap mu kusadin telefon wey, ukutwish kumulej muntu mutapu ukutwishay kutan jinsangu jivud mu dizu diend pa jw.org

• Ikal mwin kuyishinshikin antu. Chisu ulejena ku chikumbu ni chikumbu, kangal wasutish chisu cha kupan uman. Ambamb nau antu asutina ap achingedina transpor. Chisu upanina uman ndond yidia antu avud, shinshikin pa mudimu wey wa kupan uman

• Ikal nich mushiku. Sal usu wa kuyichirikin antu wakangenya kutan ku yikumbu kapamp ka kusambish. Sal usu wa kuya ku yikumbu ya antu wasankena, pamwing ap saa yindj, dichuku dindj ap rubing rindj. Antu amwing mulong wa kuyitan chikutwish kwit kuyifundin, kuyitazuk ku telefon ap kuyilej mu chikashimwish

• Kuyichirikin antu asangaredina. Chirik pakad kulab mulong wa kuyital antu asangaredina. Anch muntu ulondin dizu dindj, sal usu wa kukimb muntu wija dizu dined mulong wa kumukwash mu dizu diend. Ufanyidin kudandamen kumutazuk ku telefon kushik ni paukutanijana nau in kulejan alondina dizu diend.—od paj 105 par. 1-2

TAL VIDEO ILS PRÉCHENT DANS « LA RÉGION LA PLUS LOINTAINE DE LA TERRE, » NI KUPWA AKUL KU YIPUL YILONDWILAKU EY:

• 

  Mutapu ik wirijekau akadivar nau anambaz mulong wa kuyendin antu a mu teritwar wa kulemp? (1Ko 9:22, 23)

• 

  Yakamish ik yapandakanau?

• 

  Yiyukish ik yatambulau?

• Usu ik ukutwisha kusal mulong wa kuyitan antu avud a mu teritwar wey?