Irijeka Mulong wa Kulejan kud Muntu Mwawonsu

Mud mwayirijekau in Isarel kud Yehova, uyirijekin kand atushalapol end nlel mulong wa kusal rusot rend. Pa mangand mawonsu, mabiro ma mitiy, minyingumuku, yikumangen ni yisak ya mudimu wa kulejan yikat kasal pamwing mulong wa kutwal kurutu mudimu wa kulejan rusangu ruwamp. Tukat kulejan kud antu in awonsu, pamwing kand ni antu alondina mazu makwau.​—Kuj 14:6, 7.

Ov, watonginap kal piur pa kwilej dizu dikwau mulong wa kumukwash muntu kanang kwilej uyakin? Ap anch ukwetap chisu mulong wa kwilej dizu kanang, ukutwish kusadin application JW Language mulong wa kwijik mutapu wa kulond yom kanang. Kupwa kwa kusadin yom yiney mu mudimu wa kulejan, ukutwish kov musangar mud wovau akadivar a mu mivu chitot ya kusambish chisu chashimokau antu a michid yikwau pa kutesh “midimu yijim yasalay Nzamb” mu jindim jau ja chivadik.​—Mid 2:7-11.

TAL VIDEO, IKAL MURUND WA YEHOVA—KULEJAN MU DIZU DIA WINGENDJ, NI KUPWA AKUL KU YIPUL YILONDWILAKU EY:

• Chisu ik ukutwisha kusadin JW Language?

• Yom ik yimwing yidiamu?

• Mazu ik malondinau antu mu teritwar wen?

• Yom ik ufanyidina kusal anch muntu usangaredina uruu wa Want ulondin dizu dindj?—od paj 94-95 par. 39-41