Mutapu wa Kusadil Fomu Veuillez suivre l’intérêt (S-43)

Fomu winou ufanyidin kumwizwish chisu ukutana muntu usangaredina uyakin pakwez wakad kushakam mu teritwar wey ap ulondina rudim ra wingendj. Ap anch twamusadidil pasak chisu twatanina antu alondina rudim ra wingendj ni amekesha musangar ap bwat, tukumusadil katat ching chisu chimekeshinay muntu musangar. Ching kajik matu. Anch twamutan muntu kanang udia kajik matu, kwikalap nchik musangar ukumekeshay, tufanyidin kufund fomu S-43.

Ov, chom ik tufanyidina kusal nich fomu kupwa kwa kumufund? Tufanyidin kumupan kudiay kalam wa ujindj wa chikumangen. Anch wij chikumangen chikutumay fomu, ukutwish kapamp kamwing kumutumin amakurump a chikumangen chinicha chakwel atwisha kutenchik mutapu wa kulondul kusanger kwinoku. Anch kakutwishap kujingunin chikumangen, ndiy ukez kutum fomu ku biro wa mutiy.

Anch muntu usangaredina ulondin rudim ra wingendj ni ushich mu teritwar wey, ukutwish wadandamen nich kukudish kusanger djat ni pakezay kutan chikumangen chilondila rudim rend.​—Tal Mudimu Wetu wa Want wa pa Kalang 2009, pa paj wa 4.