Ov, Ukez Kusambish Dilejan dia Bibil pa Mwinkind?
1. Mikand ik tukeza kupan pa Mwinkind?
1 Magazet ma kupan pa Mwinkind madi Chinong cha Kalam ni Réveillez-vous ! Tukulondul antu amasangaredina, atukasikeshin kupan trakt Ov, Usotil Wijika Uyakin? nich rutong ra kusambish dilejan dia Bibil. Ov, mutapu ik tukutwisha kusal pa chisu tuyichirikidina?
2. Ov, mutapu ik tukutwisha kusadil trakt Wijika Uyakin chakwel tusambish dilejan dia Bibil pa chisu tumuchirikidina muntu kanang witiyija magazet?
2 Mutapu wa Kusadil Trakt: Tukutwish kulond anch: “Magazet nakuletina kal am makasikeshin antu a mangand mawonsu ni marelijon mawonsu chakwel mashinshikina Bibil. [Mwinkisha ku chikas mwin chikumbu trakt ulondina anch Wijika Uyakin, ni kasikeshin yipul yidia pamutu.] Kudi yipul yimwing ya musangar yikutwisha kutan yakul yisangareshina ya mu Bibil. Ov, kand kal wiyipulap yivud ya ku yipul yiney?” Kupwa kwa kwakul chakul kudiay mwin chikumbu, shinshikinany pamwing mu trakt chipul chimwing cha ku yipul yend, ni tang umwing wa ku mifund yijimbwilau. Kupwa rumburil anch chidi kwau chilakej chikemp cha yom yifundishinay Bibil, ni mwinkisha ku chikas buku Chifundishinay Bibil. Tukutwish twisambin maparagraf ma nsambishin ma shapitre watondinay kusutil ku kutang yidiamu ya mu mukand winou. Ap tukutwish twatond ndond yidia rusangu ruwamp ridia mu mutu wa mulong utwisambidina mu trakt. Kudi mareferans matukutwisha kusadil:
● Ov, chakin kamu Nzamb utubangidin? (paj wa 9-11, par 6-10)
● Ov, njit ni mar yikez kupwa? (paj wa 12, par 12-13)
● Chom ik chikata kutushiken pitufilinga? (paj wa 59-60, par 7-8)
● Ov, kudi ruchingej kanang piur pa afu? (paj wa 71, par 13-15)
● Mutapu ik nifanyidina kulembil chakwel Nzamb antesha? (paj wa 166-167, par 5-8)
● Mutapu ik nikutwisha kushiken ku kutan musangar mu mwom? (paj wa 9, par 4-5)
3. Ov, mutapu ik tukutwisha kuswimp mutapu wetu wa kulejan kukwatijan nich mikadil?
3 Pakwez, anch chitwishikinap kusambish ni kumekesh mutapu wa kwilej buku Chifundishinay Bibil pa chisu cha kusambish tuyila kumutal, tukutwish chisu chivud kusal mausu chakwel tumuchirikinamu ni kudandamen mambamb metu. Kukwatijan nich mutapu umekeshinay muntu musangar, tukutwish twatond chipul chimwing chipandakena usey cha kwambambin mu trakt pa chisu twamuchirikina kal kurutu kwa kusambish nich buku. Tukutwish kusadil nawamp trakt winou pa Mwinkind chakwel tusambish dilejan dia Bibil ni kuyikwash antu a michim yiwamp ‘kwijik uyakin.’—Yoh. 8:31, 32.