Magazet Metu—Madiaku Mulong wa Antu Awonsu
1. Ov, mutapu ik kashalapol ushinshamena ni kubabal wimburijinay kambuy Paul?
1 Mudi mwasalay kamu kambuy Paul, ndiy wakimba mutapu wa kulejan rusangu ruwamp chakwel ayipwita “antu awonsu,” ni kashalapol ushinshamena ni kubabal usadidin magazet metu mulong wa kukimb antu a mangand kushalijan ni yitiyij yawonsu. (1 Kor. 9:22, 23) Chawiy lel, tukutwish kusadil nawamp Chinong cha Kalam ni Réveillez-vous ! tufanyidin kutesh ni kuyivurish in kutesh chakwel atang magazet minam.
2. Ov, Réveillez-vous ! udiaku mulong wa antu a mutapu ik?
2 Réveillez-vous !: Gazet winou ukwet rutong ra kukimb antu a mutapu umwing ni alonday kambuy Paul chisu chayilejangay “antu a ku Aten.” (Mid. 17:22) Amakundj inay kadiap ni mashakamin ma win Kristu bwat, ni akwet chovil chikemp cha Mifund. Chilik chimwing, antu atondau kwikal nich Réveillez-vous ! adi akemp ap kakwetap ronganyin ra Bibil. Akutwishap kwijik chom kanang piur pa malejan ma win Kristu, akutwish kwikal pamwing ap akad kutadik chom kanang cha relijon, ap akutwishap kwikal akad kudimwish anch Bibil ukwet ukwash wa usey. Rutong ra kusambish ra Réveillez-vous ! ridi ra kupukun ku michim ya antu amutangininga chakwel itiyij anch Nzamb wakin udiaku. Rutong ra gazet winou ridi kand ra kukasikesh ritiy ra mu Bibil ni kukwash mwin kutang chakwel atesha anch Atuman a Yehova ashalijadin ni yisak yikwau ya relijon.
3. Ov, chom ik cha pakampwil chikweta dichap ni dichap ditanginingau nakash mu Chinong cha Kalam?
3 Chinong cha Kalam: Dichap dia antu awonsu disotinau kutang nakash dia jurnal winou dikwet chilik cha kumushiman Nzamb ni Mifund. Antu amwing akwet ronganyin ra mu Bibil pakwez kateshiningap nawamp win malejan malejeningay. Chawiy chimwing ni antu isambina Paul mudi antu “in kumwov Nzamb wom.” (Mid. 13:14-16, TMK) Dichap dia kwilej dia Chinong cha Kalam adifundining pakampwil mulong wa Atuman a Yehova. Paul watonga anch antu atangininga mikand yend ij nawamp Mifund ni adi ni ronganyin ruwamp ra uyakin. (1 Kor. 1:1, 2) Chilik chimwing, mitu ya milong yidia mu dichap dia kwilej ayifundining mulong wa antu akata kukumangan ku yikumangan yetu ni ijidina nawamp ni mazu ni yitongijok ya Atuman.
4. Ov, mulong wak tufanyidina kwiyijidish nich nimero ni nimero wa magazet tusadidininga mu mudimu wa chingand?
4 Ap anch tupanining kwetu magazet manimero kushalijan, yisu yivud tusadidining mutu wa mulong umwing mu chakumenaku chetu. Chawiy lel, itekinany rutong ra kwiyijidish nawamp nich nimero ni nimero wa magazet mwin mwawonsu. Kupwa ukez kwikal mu mwikadil uwamp nakash chakwel ulejan chom chikeza kuyisanger antu ukata kutanijan nau.