Yakumenaku ya Sampul

(Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil Diampos dia Kusambish dia pa Kalol

“Muntu mwin mwawonsu twisambininga nend usotin kuman chisambu mu mangand. Chikwau kand, tumening njit. Mu kutong kwey, ov, mulong wak chikasiken mangand kwikal nich chisambu?” Mulika akula. Kupwa, muleja pa chibur cha nsudiel cha Chinong cha Kalam cha Kalol 1, ni shinshikinany pamwing yom yidia mu chipul cha kusambish ni umwing wa ku mifund yijimbwilau. Pan magazet ni tenchik chakwel umuchirikina ni wisambany nend chipul chikwau.

Chiyul: Chakumenaku chinech afanyidina kuchisal pa chisu cha chikumangan cha mudimu wa chingand wa pa Kalol 1.

Chinong cha Kalam Kalol 1

“Tukat kuyendil mu wiswimp nakash antu a mwindond yetu chakwel twisamba nau pa mulong utadina muntu mwin mwawonsu. Antu avud arishining nich kasolikany mu yisu yimwing ap yikwau. Ov, utongin anch kudi ndond yimwing mu mangand minam mwakad kasolikany? [Mulika akula.] Tal mutapu umenay Nzamb antu awonsu. [Tang Midimu 10:34.] Gazet winou wisambidina mutapu ukezay Nzamb kupwish kasolikany kapamp kamwing kamu ni chikupu.”

Réveillez-vous ! Kalol

“Tusotin twijika chitongijok chey pa mulong winou. Chisangareshin kwikal nich mwom uwamp nakash. Ov, utongin anch tukutwish kuwanyish rusot riner kusutil ku kwikal nich mapit ma ku mujimbu? [Mulika akula.] Tal mazu minam makurikina malonday Yesu. [Tang Luka 12:15.] Gazet winou ulejen chitongijok chisikena piur pa mapit ma ku mujimbu ni upanin yiyul ya ukwash piur pa mutapu wa kusadil nfalang jetu nich manangu.”