Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil Diampos dia Kusambish dia pa Kalol

“Tukwendidin mu wiswimp mulong wa kwisamb nen piur pa chipul chisangareshin ech.” [Muleja chipul cha kusambish chidia pa chibur cha nsudiel cha Chinong cha Kalam cha pa Kalol 1.] Ov, chisu chitongijok chey? Mulika akula. Shinshikinany pamwing malejan madia mu chipul cha kusambish ni sadilany umwing wa ku mifund yidiamu. Pan magazet, ni tenchik mutapu wa kuchirik chakwel wisambinany chimwing cha ku yipul yikwau.

Chinong cha Kalam Kalol 1

“Kuna ruwand kuyijipin antu uvud piswimp ni 6 000 000 pa muvu. Ov, ey utongin anch kudi chom kanang chikusadika mulong wa kupwish chipup chinech? [Mulika akula.] Antu avud ayikwashin kal chakwel alika ap ipuka kuna ruwand kusutil ku kushinshikin pamwing chitongijok cha Nzamb pa mulong winou. Chilakej, verse wa Bibil winou wayishikija antu amwing ku kutongijok mutapu kuna ruwand kudinga nich yibachikin yiyimp padi antu akwau. [Tang 1 Korint 10:24.] Gazet winou urumburil mutapu wa kushinshikin chitongijok cha Nzamb chikutwisha kumubachik muntu chakwel alika kuna ruwand.”

Réveillez-vous ! Kalol

“Jinjil ja antu awonsu ja kutumin jinsangu ku Internet jiyikwashin antu kwikal ni arund avud kupandanamu pasak. Ov, ukutwish kulond anch kudi mwikadil upandakena usey wa murund wakin? [Mulika akula.] Pinap padi chilakej chimwing cha chiyul cha kusadil piur pa urund udia mu Bibil. [Tang Jakobu 1:19.] Gazet winou wisambidin yany yinying ya umutakel yikutwisha kutukwash kwikal antu a mutapu usotinau kudi akwau chakwel twikala arund.”