Kasikeshany Kusambish Malejan ma Bibil pa Diampos dia Kusambish

Kusambishin pa ngond wa Ndol-Mem, ayikasikesha in kulejan chakwel apakisha kusambish malejan ma Bibil pa Diampos dia kusambish dia ngond ni ngond. Mulong wa kutukwash kusal mwamu, kudi mitu ya milong yidia mu Chinong cha Kalam cha dichap dia antu awonsu dikweta mutu wa mulong ulondina anch “Yakul ku Yipul ya Bibil” yarijekinau kal. Chawiy lel, chikumangan cha mudimu wa chingand chikeza kusadik pa Diampos dia kusambish chikez kukasikeshin pa mutapu wa kusadil mutu wa mulong winou chakwel tusambisha malejan ma Bibil ni chifanyidin kusal chakumenaku chikumekesha mutapu wa kuusadil.

Amakurump akutwish kutond chisak ni chisak cha mudimu wa chingand kukumangan panrau pa Diampos dia kusambish, ap akutwish kukwat mupak wa kuyibombakesh ni pamwing ap kukumangan pamwing ku Chot cha Want. Pakwez, anch yikumangen yivud yisadidining Chot cha Want, kwikil chikumangen ap chimwing chifanyidina kushemunyin dichuku dined dia pakampwil dia kusambish malejan ma Bibil nich dichuku dikwau mulong wa kubombakesh chikumangen cha mudimu wa chingand.