Yikwashany Chakwel ‘Ikasikesha mu Ritiy’

Chisangareshining kuman mutapu Yehova uyukishiningay yikumanga yidia ni mamiliyon ma antu ababatishiningau muvu ni muvu. (Kuv. 28:⁠2) Kapamp kamwing anch mwin kulejan wamukwash mwin kwilej djat ni ku dibabatish, mwin kulejan ukutwish kwimik kwilej nend ni kushinshikin pa mutapu ukutwishay kuyikwash antu akwau. Mwin kwilej ukutwish kand kwimik kwilej chakwel ipana nakash mu mudimu wa kulejan. Pakwez, chidi cha usey kudi in kwilej Bibil ikala nich mufulandal uwamp mu uyakin. Awiy aswiridin kujik “mij” mudiay Kristu ni ‘ikasikesha mu ritiy.’ (Kol. 2:6, 7; 2 Tim. 3:12) Chawiy lel, kupwa kwa mwin kwilej kubabatishiu, ndiy ufanyidin kudandamen kwilej Bibil kupwa kwa kwilej buku Chifundishinay Bibil, ndiy ukwilej kand buku “Rukat ra Nzamb.”​—⁠Tal Mudimu Wetu wa Want wa pa Ndol 2011, pa paj wa 2.