Kupan “Yom Yiwamp” Kusutil ku Kuyak Aeny (Mat. 12:35)

Etu awonsu pakach petu tusotining chakin kamu kwangan “yom yiwamp” pamwing ni antu akwau kusutil ku ‘kuyak aeny.’(Rom 12:13) Amakurump awiy adinga chilakej chiwamp pa mulong winou mulong ayitining kuchirish nfalang ja mwin kulond ngendj ni pamutazukiningau kudia nend yakudia. Pakwez, tukutwish pamwing ap kwidjidjek kuyak aeny mulong wa kukep kwa yakudia tukweta ap tukutwish kwinan mulong wa uvud wa antu akweza ku yikumbu yetu. Kushinshikin pa chiyul chamwinkishau Marta kudiay Yesu kukutwish kwatukwash tupandakana yovil yiney. (Luka 10:39-42) Ndiy wakasikesha anch “chom chiwamp” mu kuyak aeny chidi urund uwamp ni ukasikeshina, chidiap kwikal nich yakudia yiwamp nakash bwat. Anch twasadil chiyul chinech, tukutwish etu awonsu kupan “yom yiwamp” kudi akadivar netu kukwatijan nich Dizu dia Nzamb.​—3 Yoh. 5-8.