Ov, Wirijekin Kal Mulong wa Chivurikish?
Chading pa Nisan 13 wa muvu wa 33 C.C. Yesu wading wij anch kwashal kal urel wa nsudiel wakusutish pamwing ni arund nend kurutu amujipa. Chawiy lel, ndiy wela kusal nau pamwing musambu wa Kusut kwa Yehova ni kupwa watenchika chivurikish cha Yakudia ya Urel ya Mwant. Chinship chinech cha usey nakash chita kwirijek. Chawiy lel, ndiy wayituma Pita nenday Yohan chakwel arijeka yom kurutu kwa chisu. (Luka 22:7-13) Muvu ni muvu, chiding cha usey kudi in Kristu asotininga kukumangan ku Chivurikish chakwel irijeka mulong wa chinship chinech. (Luka 22:19) Ov, yom ik ya mufulandal tufanyidina kurijek pa chisu cha Chivurikish chikwezap ech pa Ndol 3?
Yom Yifanyidinau In Kulejan Kurijek:
Irijekany chakwel wipanany nakash mu kampany wa kwangan diladikij dia Chivurikish.
Fund majin ma in kwilej Bibil, ma anamakwey, ma ambay ney a shikol, ambay ney a mudimu ni antu akwau wijikijadina nau chakwel uyitazuka.
Tang ni tongin pa verse wa Bibil wisambidina pa Chivurikish.
Ufanyidin kushik kurutu kwa chisu ku Chivurikish chakwel uyaka angendj.