Sadil Usu wa Dizu dia Nzamb mu Mudimu Wey wa Kulejan

Anch muntu kanang witiy chakwel tumuleja rusangu ruwamp, tufanyidin kusadil nawamp chisu chinech nich usu wa Dizu dia Nzamb kusutil ku kutang kapamp kamwing maverse ma Bibil. Akasikeshina piur pa chinech ku chitentam cha pakampwil cha dichuku dimwing cha muvu wasutina. Kalam wa munyingumuku wasala diskur diadinga ni mutu wa mulong ulondina anch “Sadil Usu wa Dizu dia Nzamb mu Mudimu Wey wa Kulejan.” Ov, uvurikin manans majim?

• Mulong wak dizu dia Yehova dikwet usu nakash kupandakanamu wetwetu?​—2 Tim. 3:16, 17.

• Ov, mutapu ukatay Bibil kubachik yovil ya mu muchim, kutakel yitongijok, kuwapish yibachikin, ni kutakel yisal?​—Tal Chinong cha Kalam, Kalol 1, 2012, p. 30, par. 7.

• Anch twamutangin muntu kanang verse mu mudimu wa kulejan, ov, mutapu ik tukutwisha kupwitin manangu mend pa Dizu dia Nzamb chakwel adikwata nich kalimish?​—Tal buku École du Ministère, p. 148, par. 3-4 ni Mudimu Wetu wa Want wa Rish 2013, p. 6, par. 8.

• Mulong wak chidia cha usey kurumburil ni kutongijokin pa maverse tukata kutang, ni mutapu ik tukutwisha kusal mwamu?​—Midimu 17:2, 3; tal buku École du Ministère, p. 154, par. 4 djat ni p. 156, par. 5.