«Ces paroles devront être sur ton coeur» (“Mazu Minam Makez Kushakam mu Michim Yen”)
Anvaj adi mudi atufung. Afanyidin kuyilil anau mu mutapu uwamp, chamwamu akutwish kushadik ni akutwish kand kuyisal nayimp. (Jinsw. 27:23) Mutapu ik ukutwishau anvaj kuwanyish chisend chinech? Afanyidin kusutishang chisu dichuku diawonsu mu kwambambang ni anau chakwel ijika yitonginau ni yidia mu michim yau. (Jinsw. 20:5) Chikwau, anvaj afanyidin kukasikesh ritiy ra anau nich yom yakad kutemang. (1 Kor. 3:10-15) Video ukweta mutu wa mulong ulondina anch: «Ces paroles devront être sur ton coeur» (“Mazu Minam Makez Kushakam mu Michim Yen”) ukasikeshidin usey wa kwifukwilang mu dijuku pakad kujing. Mutalany mu dijuku ni isambinany yipul yilondwilaku ey.
(1) Mutapu ik dijuku dia Roman diashikena kuburen kushinshikin yom ya muspiritu? (2) Mulong wak Mukadivar Roman wasambisha kushadish pakemp-pakemp chaku cha kwifukwil mu dijuku? (3) Verse ik wa Bibil ukutwisha kukukwash nawamp chakwel uya kurutu mu kuyilil an? (Kuv. 6:6, 7) (4) Chom ik chikutwisha kusal chakwel kwikala mambamb mawamp mu dijuku? (5) An aswiridin anch anvaj au ayiwanyishina yom ik? (6) Mutapu ik wamekeshau mukadivar ni Nambaz Barrow chibachikin chiwamp mu dijuku dia Roman? (Jinsw. 27:17) (7) Yom ik yifanyidinau antakel a majuku kurijek chakwel difukwil diau diya kurutu? (8) Mutapu ik wasambishay Mukadivar Roman kurijek yom mu dijuku diend? (9) Mulong wak chidia cha usey kulimish program wa kwifukwil mu dijuku? (Efes 6:4) (10) Yitongijok ik ya usey yifanyidinau kusadil mu difukwil dia mu dijuku? (11) Mutapu ik mwikadil wa Mukadivar Roman wakad kuswimp yitongijok wamukwasha Marcus asangera kusal yom yiwamp? (Jer. 17:9) (12) Mukadivar ni Nambaz Roman ashinshikina yom ik pamwing ni Rebecca chakwel amukwasha kukwat mipak yiwamp piur pa urund wend ni Justin? (Mar. 12:30; 2 Tim. 2:22) (13) Mukadivar ni Nambaz Roman amekesha nchik ritiy parijekau mashakamin ma mwom wau? (Mat. 6:33) (14) Mutapu ik uyikasikeshinay video winou antakel a majuku chakwel awanyisha maswir ma majuku mau? (1 Tim. 5:8) (15) Piudia ntakel mu dijuku mupak ik ukweta?
CHIYUL KUDI ANTAKEL A MAJUKU: Dram winou wa katat amusala ku chitentam cha rejon cha muvu wa 2011. Pa chisu chinech yom ik umena anch ufanyidin kurijek mu difukwil diey dia mu dijuku? Chom ik ukusal katat? Anch kudi yom kanang yiswiridina kurijek, lembil amboku mulong uswimpa chakwel utaninamu yiyukish ya chikupu mu dijuku diey.—Efes 5:15-17.