Mutapu wa Kwirijek Chakwel Tulejana Nawamp

Yesu wipula yisu yaad kushalijan chipul chimwing piur pa mwom wa chikupu, pakwez wakula kukwatijan ni maswir ma muntu wamwipula. (Luka 10:25-28; 18:18-20) Chawiy lel, ap anch twij nawamp malejan ma Bibil, tufanyidin kwirijek kurutu ni kutongin piur pa mwin kwilej. Manans ik makutwishay kukangany kutesh ap kwitiyij? Maverse ik maletinau tukutwisha kutang nend? Uvud ik wa malejan tufanyidina kwilej nend? Tukutwish kurijek chipich, mazu ma kumurumburil, ap yipul yikutwisha kumukwash chakwel atesha yom nawamp. Chikwau kand, mulong Yehova ndiy ukata kukudish mbut ja uyakin mu muchim, tufanyidin kwit yiyukish ya Yehova pitukata kwirijek mulong wa dilejan, piur pa mwin kwilej wetu, ni piur pa usu tusadina mulong wa kumukwash muspiritu.​—1 Kor. 3:6; Jak. 1:5.