Mitapu ya Kusadin JW Library

MULONG WA DILEJAN:

• Tang Bibil ni mufund wa dichuku

• Tang Annuaire, ma gazet, ni mikand yikwau. Sadin kadipaper ka kutek nich yijingidij

• Rijek yikumangan ya chikumangen, ni tek milil mwinshin mwa yakul

• Tal ma video

KU YIKUMANGAN:

• Kimb ma verse maletinay mwin kulond. Sadin historique mulong wa kushirikin maverse wasadinang

• Pa ndond pa kusend mikand yivud ku makas mulong wa kuya ku yikumangan, sadin telefon ap tablet wey mulong wa kulondul yikunku kushalijan ap kuwang miminy. JW Library ukwet miminy yisu yakad kal kwikal mu buku wa miminy

MU MUDIMU WA KULEJAN:

• Muleja muntu usangaredina yom yidia mu JW Library, ni mukwasha chakwel atambula ni kutek program winou ni mikand mu telefon ap mu tablet wend

• Sadin yom ya kukimbijol nich mulong wa kutan verse wa Bibil. Anch mufund umekenap mu dikarumun dia katat dia Traduction du monde nouveau, swimp yom ukimbina ni kimbijol kand

• Mekesh video. Anch mwin chikumbu ukwet an akemp, ukutwish kuyilej ma video Deviens l’ami de Jéhovah. Ap ukutwish kuyilej video ulondina anch Ov, mulong Wak Kwilej Bibil? chakwel mwin kwilej asangera dilejan dia Bibil. Anch muntu ulondin dizu dindjing, muleja video mu dizu diend

• Muleja muntu verse mu dizu dikwau pa kusadin dikarumun diwatambulang ni kutek mu telefon ap mu tablet wey. Yang mu Bibil ni shat pa verse ukimbina mulong wa kumulej ma verse makwau matanijadin