Ov, Ukat Kusadinang JW Library?

JW Library udi program ukukwashina kutambul Bibil ni mikand yikwau, ma video ni yom yakwatau kal mu telefon, mu tablet ap mu ordinater wey.

MUTAPU WA KUMWIKAL NICH: Yang pa Internet, ni send JW Library pa program utazukinau anch playstore. Program winou udi mu ma telefon kushalijan. Anch wandam pa Internet, fungul program ni tond mutu wa mulong ukimbina kutambul mulong wa kutek mu telefon wey. Anch utwishinap kwandam pa Internet ku telefon wey, ukutwish kusal mwamu ku Chot cha Want, pa bibiliyotek wa pa kapend, ap ku cyber cafe. Kupwa kwa kutambul mikand ni kuyitek mu telefon wey, ukwikalap kand ni kuswir kwa kusadin Internet mulong wa kuyitang. Mulong akat kuwejinaku mikand yisu pa JW Library, ufanyidin kwandam pa Internet yisu yawonsu mulong wa kuyitambul ni kuyitek mu telefon.

MULONG WAK KUMWIKAL NICH? JW Library ukwashin nakash mulong wa kusal dilejan dia muntu panrend ni kulondul yikumangan ya chikumangen. Udi kand wa ukwash mu mudimu wa kulejan mulong wa kupan uman wa kukashimwish.