Mukasikesha Mwin Kristu Walikina kal Kusal Mudimu wa Kulejan

Diakaad 11 Ngond wa 4, in Kristu avud alikina kal kusal mudimu wa kulejan akwez ku Chivurikish. Asambisha nawamp weny wau mulong wa mwom pakwez mushiku wau wakepa mulong wa yom kushalijan, yimwing pakach pa yom yiney yidi mu broshir Muchirikina Yehova. (Heb 12:1) Mwaning, antu alikina kal kusal mudimu wa kulejan akwet usey kudi Yehova, mulong wayilanda ni mash ma Mwanend. (Mid 20:28; 1Pi 1:18, 19) Mutapu ik tukutwisha kuyikwash chakwel achirika mu chikumangen?

Amakurump a chikumangen akat kusal usu wa kuyikimb ni kuyikwash in Kristu alikina kal kusal mudimu wa kulejan mudi mutapu ukatay kafung kukimb ni mushiku amikoku apumbukina kal mu chisak. (Lk 15:4-7) Chinech chikat kumekesh kubangin kwa rukat kwa Yehova. (Jer 23:3, 4) Etu awonsu, pamwing nau amakurump tukutwish kuyikasikesh antu inay. Usu tusadina mulong wa kuyibangin umusangareshin Yehova ni ukutufut. (Jnsw 19:17; Mid 20:35) Chawiy, tongin piur pa muntu ufanyidina kukasikesh ni sal mwamu pakad kulab!

TAL VIDEO ULONDINA ANCH ENCOURAGER LES INACTIFS, NI AKUL KU YIPUL YILONDWILAKU EY:

• Yom ik yasalay Abbey pamusankanay Kaman wakaday kwijik?

• Mulong wak tufanyidin kwambamb ni amakurump anch tutongin kumukwash muntu walikina kal kusal mudimu wa kulejan?

• Mutapu ik wirijekay Abbey mulong wa kuya kumutal Laura kapamp kakwau?

• Mutapu ik wamekeshay Abbey kujijaman, kushimpish muchim ni rukat pasalay usu mulong wa kumukasikesh Laura?

• Yom ik tukutwisha kwilejin ku chilakej cha Yesu chidia mu Luka 15:8-10?

• Yiyukish ik yikalaku mulong wa usu wasalau mulong wa kumukwash Laura?