Mutapu wa Kwikal Mwin Kwilej wa Mushiku wa Bibil

Ov, ukatin kwikal ushinshamena ap anch udi mu yoziu mudi mwadingay Daniel? Daniel wileja Dizu dia Nzamb nich mushiku ni uprofet ukurukina. (Dan 9:2) Kwilej Bibil nich mushiku kukutwish kukukwash kushal ushinshamena. Mutapu ik? Kukutwish kukasikesh ritiy rey anch kushilamu kwa Yehova kukuwanyin chakin. (Jos 23:14) Kukutwish kand kukukwash kukudish ritiy rey mudiay Nzamb, rikutwisha kukubachik kusal yom yiwamp. (Kus 97:10) Pakwez, pisu ukusambishina? Shinshikin yiyul ey.

• Yom ik nifanyidina kwilej? Chaku chiwamp cha kwilej mudi kwirijek mulong wa yikumangan ya chikumangen. Kutang kwa Bibil kwa pa rubing kukwikal kwa usey nakash anch witekin chisu mulong wa kukimbijol yom yiwakad kutesh nawamp. Chikwau kand, antu amwing atondining kwilej nakash piur pa uprofet wa Bibil, yikunku kushalijan ya dibuj dia spiritu wa Nzamb, maweny ma umishoner ma kambuy Paul ap kand yom yatangay Yehova yitumena. Anch watongin piur pa chipul kanang mu Bibil, chifunda ni chiteka chikala mutu wa mulong ukwileja mu dilejan dikwau.

• Kwisu nikutwisha kutan jinsangu? Mulong wa yiyul yimwing, tal video ulondina anch Des outils de recherche pour découvrir des trésors spirituels. Chakwel upima ukaliweny weny, kimb mulong wa kwijik usu wa mangand mawonsu ufanikeshinau ni annam adia mu mukand wa Daniel shapitre wa 7.

• Asaa inch nifanyidina kwitekin mulong wa kwilej? Kwilej chisu chawonsu udi mwikadil uwamp mulong wa kukasikan mu spiritu. Ukutwish kusambish bil kwilej mu aminit akemp, anch chiswapel ukutwish chad kudandamen pakemp pakemp kwilej mu aminit avud. Kwilej Dizu dia Nzamb kudi mudi kupund mapit majingamina; ni anch wamatan mapit minam, ukudandamen chad kumapund! (Jnsw 2:3-6) Musangar wey mulong wa Dizu dia Nzamb ukupandakan ni kwilej Bibil chisu chawonsu kukwikal chad chaku chey.—1Pi 2:2.

ANNAM ALEJENAU MU DANIEL SHAPITRE WA 7 AFANIKESHIN IK?

• 

  Da 7:4

• 

  Da 7:5

• 

  Da 7:6

• 

  Da 7:7

CHIPUL CHIKWAU:

Mutapu ik wawanyina mukand wa Daniel 7:8, 24?

YOM YIKWAU UKUTWISHA KUKIMB:

Annam adia mu Kujingunik shapitre wa 13 afanikeshin ik?