Ap anch Pasak kadingap kamekeshina Chivurikish, yom yimwing ya Pasak yikwet kurumburik kudi etu. Chilakej, kambuy Paul wamutazuka Yesu anch ‘mwan a mukoku Pasak wetu.’ (1Ko 5:7) Mudi mutapu wapanda mwom ya antu kusutil mash ma mwan a mukoku mapanau pa yibamb, mash ma Yesu mapandishin mwom ya antu. (Kub 12:12, 13) Chikwau kand, kwikil difup ap dimwing dia mwan a mukoku wa Pasak diabukunau. Chilik chimwing, kwikil difup ap dimwing dia Yesu diabukunau, ap anch chinech chading chishankur cha kujipan mudi kwinoku.—Kub 12:46; Yoh 19:31-33, 36.