Ipuk Ubaj wa Tupend twa Antu Awonsu

MULONG WAK CHIDI CHA USEY: Mudi kand mudia yom yivud ya kusadin, tupend twa antu awonsu tukutwish kwikal twa ukwash ni twa ubaj. In Kristu amwing kakatap kwitiy kusadin tupend twa antu awonsu. In Kristu akwau akat kusadin tupend twa antu awonsu mulong wa kwambamb ni arund ni anamakwau. Pakwez, Djabul ukatin anch tusadin tupend twa antu awonsu mu mutapu wakad manangu, ukutwisha kuyipish katumb ketu ni urund wetu ni Yehova. Mudi Yesu, tukutwish kusadin mbil ja mu Dizu dia Nzamb mulong wa kujingunin ubaj udiaku ni kuwipuk.—Lk 4:4, 8, 12.

UBAJ TUFANYIDINA KWIPUK:

• Kusadin nayimp yom ya kupalangesh nich jinsangu. Kusutish asaa avud nakash mu kusadin tupend twa antu awonsu ap yom ya kupalangesh nich jinsangu kukutwish kutusend chisu tukatina kusadin mulong wa yom ya Yehova

  Mbil ja Bibil: Ef 5:15, 16; Fl 1:10

• Kutal yom yakad kuwanyin. Kutal yipich yikata kulangwish maku kukutwish kushikij ku chaku cha kutal pornografi ap kusal masandj. Kutang yichap ya in kupumbwok ap kwibomb nau kukutwish kuyipish ritiy retu

  Mbil ja Bibil: Mt 5:28; Fl 4:8

• Kufund ap kutek yipich yiyimp pa Internet. Mulong muchim ukwet rubabek, muntu ukutwish kwikal ni chitongijok cha kufund ap kutek yipich yiyimp pa tupend twa antu awonsu. Pakwez, kusal mwamu kukutwish kuyipish katumb ka muntu ap kuziyish ritiy

  Mbil ja Bibil: Ro 14:13; Ef 4:29

TAL VIDEO RESEAUX SOCIAUX : NE TE LAISSE PAS AVOIR NI KUPWA SHINSHIKIN MUTAPU WA KWIPUK YOM YILONDWILAKU EY: