Anany Arund Ney a pa Internet?

Murund ud “muntu wa piswimp tukatijadina nend ni tulimishijadina nend.” Chilakej, urund wa Jonatan ni David wikala wa piswimp nakash kupwa kwa David kumujip Goliat. (1Sam 18:1) Umwing ni mukwau pakach pau wamekesha mikadil yamubachika chakwel amukata mukwau. Chawiy komb, urund wakin wimedining pa ronganyin rakin. Chitining chisu ni usu mulong wa kumwijik nawamp muntu mukwau. Pakwez, pa tupend twa Internet twa kutumijadin jinsangu, antu akutwish kwikal “arund” pakad kulab kusutil kwau kushat pa ndond kanang. Mulong pa Internet antu ijing mutapu wa kutenchik yom yikulondau ni akat kusal usu wa kwimekesh anch ad antu awamp, chawiy chiyiswapedining kujindjik wuntu wau. Komb, chid chiwamp kutongijokin piur pa antu ‘akwikala arund ney’ pa Internet. Anch muntu kanang wakad kwijik nawamp wakwit anch wikala murund nend pa Internet, kangal witiy mulong wovil wom anch yikutwish ya musal nayimp anch witiyinap. Mulong wa kwipuk ubaj ukutwisha kushiken, antu amwing akwatin kal mupak wa kulik kusadin tupend twa Internet twa kutumijadin jinsangu. Pakwez, anch watond kusadin tupend twa Internet twa kutumijadin jinsangu, yom ik ufanyidin kwijik?

TAL VIDEO SADIN NICH MANANGU TUPEND TWA INTERNET TWA KUTUMIJADIN JINSANGU, NI KUPWA AKUL KU YIPUL YILONDWILAKU EY:

• 

  Yom ik ufanyidina kushinshikin kurutu kwa kufund ap kutek yipich?

• 

  Mulong wak ufanyidina kutond nich manangu arund ney pa Internet?

• 

  Mulong wak ufanyidina kukepish chisu usutishina pa kapend ka Internet ka kutumijadin jinsangu?—Ef 5:15, 16