Sutish Chisu nau Antu Amukatina Yehova

Mulong wak tufanyidin kusutish chisu nau antu amukatina Yehova? Mulong antu tusutishina nau chisu akutwish kutukwash kusal yom yiwamp ap yom yiyimp. (Jnsw 13:20) Chilakej, Mwant Jowas wasala “yom yitentamina ku mes kwa [Yehova]” mu machuku mawonsu masalay nend Mwin Kupesh Mujim Jehojada. (2Jsng 24:2) Kupwa kwa rufu ra Jehojada, Jowas wamulika Yehova mulong wa arund ayimp.—2Jsng 24:17-19.

Mu mivu chitot ya kusambish C.C., kambuy Paul wafanikesha chikumangen cha win Kristu mudi “chikumbu chijim” ni antu a mu chikumangen mudi ‘yilond,’ ap yom ya mu chikumbu. Tukat kushal ‘chilond cha kalimish’ anch twipuk kubombakan ni muntu mwawonsu, ikala wa mu dijuku dietu ap wa mu chikumangen usadina yom yakad kumusangaresh Yehova. (2Tm 2:20, 21) Pakwez, tukutwish kuta urund nau antu amukatina Yehova ni atukasikeshina kumusadin ndiy.

TAL VIDEO ULONDINA ANCH APPRENEZ À REJETER LES MAUVAISES COMPAGNIES, NI KUPWA AKUL KU YIPUL YILONDWILAKU EY:

• Mitapu ik yimwing tukutwisha kwikal ni arund ayimp mu mwom wetu?

• Mu video winou, yom ik yayikwasha kal in Kristu inay asatu kwimik kubombakan nau arund ayimp?

• Mbil ik ja Bibil jikutwisha kukukwash kutond arund nich manangu?