MASHAKAMIN MA MWIN KRISTU
“Dandamen Kushinshikin Yom Yiney”
Yom ik? Filip 4:8 ulondin anch tufanyidin kushinshikin pa yom yidia yakin, ya katumb, yitentamina, yidia zwang, yikatishena, yilondinau nawamp, yiwamp ni ya kushiman. Chakin kamu, chinech chirumburikinap anch mwin Kristu ufanyidin kutong chisu chawonsu piur pa Bibil. Pakwez, kutongijok kwa muchim wetu kufanyidin kumusangaresh Yehova. Kufanyidinap kuziyish mupak wetu wa kumushinshamen ndiy.—Kus 19:14.
Chikutwish kukasikan kwipuk yitongijok yiyimp. Tufanyidinap kwetu ching kurish nich mujimbu wetu wakad kuwanyin, pakwez tufanyidin kand kurish nich yibachikin ya Satan, udia ‘nzamb wa mangand minam.’ (2Ko 4:4) Mulong ukat kutakel yom ya mangand mudi: yom ya televizion, radio, Internet ni magazet ni mabuku ni yom yiney yayipin kal nakash. Anch tutondinap nawamp yom twizwishina nich manangu metu, yitongijok yetu yikuyip ni kupwa ni mwikadil wetu ukuyip niwawiy.—Jk 1:14, 15.
TAL VIDEO IPUK YOM YIKATA KUYIPISH KUSHINSHAMAN—KWIPUWANGEJ KUYIMP, KUPWA AKUL KU YIPUL YILONDWILAKU EY:
Yom ik yadingay yitadinay mukadivar mu telefon wend, ni yom yiney yikala ni usu ik padi ndiy?
Mukand wa Galatia 6:7, 8 ni wa Kuseng 119:37 yamukwasha mutapu ik?