Yom ik Ukutwisha Kwilejin Kusutil Miminy ya Orijinal?

Miminy ik ya orijinal ukatining nakash? Mulong wak? Ov, utongin anch mavideo minam mamekeshin yom ya mwom wa dichuku diawonsu? Mulong yikwet mitu ya milong ni mutapu wa kuwang kushalijan, chimeken anch etu awonsu tukutwish kutaninamu. Ap mwamu, miminy ya orijinal ni mizik yidiap ching mulong wa kwipuwangej.

Muminy wawonsu wa orijinal utufundishin malejan tukutwisha kusadin mu mwom wetu wa win Kristu ni mu mudimu wa kulejan. Miminy yimwing yisambidin piur pa kwakan, uumwing, urund, kutakaman, rukat ap ritiy. Yikwau yisambidin piur pa kumuchirikin Yehova, kulikishin, kulam kujijaman pichuku pichuku ni kulondul ntong ja mu spiritu. Kudi ni muminy umwing wa orijinal ulondina piur pa kwikal wisikena mu kusadin ma telefon. Malejan in makwau umena anch madi ma usey mu miminy ya orijinal?

TAL VIDEO WA MUMINY WA ORIJINAL ULONDINA ANCH UDI KWEND PISWIMP AP, NI KUPWA AKUL KU YIPUL YILONDWILAKU EY:

• Yiyukish ik ya machuku ma kurutu yitonginau kudi ambay a uruw amapal?—Dis 12:3

• Mutapu ik tukutwisha kukasikesh ritiy retu mu ukaliweny wa Yehova wa kuwanyish kushilamu kwend?

• Yikumangan ik ya musangar tukusala piswimp ap?

• Mutapu ik utukwashina ruchingej ra Want kujijamen yikokujol ya katat?—Ro 8:25