Iman Dang Pasejina Disudiel Piswimp

MULONG WAK CHIDI CHA USEY: Piswimp ap yinship yamushena yikupak kutakaman kwetu ni ruchingej tukweta mudiay Yehova kusutamu pakur. Mar makash makusambish ni kusheshik kwa relijon wa makasu. (Mt 24:21; Kuj 17:16, 17) Pa chisu chinicha cha kuzazat, chimeken anch tukulejan uruu ukash wa dirumburish. (Kuj 16:21) Kupwa akuturishikish kudi Gog wa Magog. (Eze 38:10-12, 14-16) Mulong wa kuyichidij antwend, Yehova ukusambish “njit pa Dichuku dijim dikurumburishay Nzamb Mwin Dikand Diawonsu.” (Kuj 16:14, 16) Mulong wa kukasikesh kutakaman kwetu pakusambisha yinship yiney, tufanyidin kwiman dang anch ritiy retu aripak nlel.

MUTAPU WA KUSAL MWAMU:

• Kwash nich kutakaman mbil ja piur ja Yehova.​—Is 5:20

• Dandamen kwifukwil pamwing nau ambay ney in Kristu.​—Heb 10:24, 25

• Ziyin swa umutakel udiokila ku dirijek dia Yehova.​—Heb 13:17

• Tongijokin piur pa mutapu wayikolay Yehova antwend pasak.​—2Pi 2:9

• Mulembila Yehova ni muchingejina.​—Kus 112:7, 8

TAL VIDEO UKWETA MUTU WA MULONG ANCH YINSHIP YEZINA KURUTU OKU YITINA KUTAKAMAN​—KACHIKUNKU, NI KUPWA AKUL KU YIPUL YILONDWILAKU EY:

• 

  Chisu chayaurilau in kulejan a mu chikumangen chimwing mu yikumangen yikwau, yom ik yapaka kuziyin kwau?

• 

  Mutapu ik ukwatijadina kutakaman ni kuziyin?

• 

  Mulong wak tukwikal ni kuswir kwa kutakaman pakusambisha Harmagedon?

• 

  Rusangu ik ra Bibil rikutwisha kukasikesh ritiy retu mu usu ukwetay Yehova wa kutupandish?​—2Jnsg 20:1-24