MASHAKAMIN MA MWIN KRISTU
Mushimana Yehova Piusadina Uchibol
In Isarel ading ni mayingishin mawamp ma kumushiman Yehova. Wayidiosha mu Idjibit ni wayikamunina mu makas ma amasalay a Farao! (Kub 15:1, 2) Yehova wadandamena kuyisadin antwend yom yiwamp. Mutapu ik tukutwisha kumujikitish?—Kus 116:12.
Mutapu umwing udi wa kusal mudi chibol nkwash ap chibol wa rawonsu. Ukutwish kulembil chakwel wikala nich impu ni usu wa kusal mudi chibol. (Fl 2:13) Antu avud akat kusambish bil ni uchibol nkwash. Ukutwish kutond kusal asaa 30 ap 50 itinau kusal mwi Ngond wa 3 ni wa 4 ap mwi Ngond wa kwendin kwa kalam wa munyingumuku. Kupwa kwa kov musangar wa kusal mudi chibol nkwash, ukutwish chad kukatish kusal mudi chibol wa rawonsu. Ap antu asadina mudimu chisu chawonsu ap akad kwikal nich ukash wa mujimbu uwamp akutwish kusal mudi ayibol a rawonsu. (mwb16.07 paj 8) Cha usey nakash, Yehova ukat kusanger nakash usu tusadina mulong wa kumushiman!—1Jnsg 16:25.
TAL VIDEO UKWETA MUTU WA MULONG ANCH ANAMBAZ ASATU A MU MONGOLI, NI KUPWA AKUL KU YIPUL YILONDWILAKU EY:
Yikokujol ik yapandakanau anambaz asatu mulong wa kwikal ayibol?
Yiyukish ik yikalau nich?
Mitapu ik yisu ya kumusadin Yehova yajinguninau mulong ading ayibol a rawonsu?
Chilakej chau chayikasikesha antu akwau kusal ik?