Kampany wa Pakampwil Mwi Ngond wa 11 Mulong wa Kulejan Want wa Nzamb

Yesu walejana “rusangu ruwamp ra Want wa Nzamb.” (Lk 4:43) Wayifundisha kand antu kulembil mulong wa kwit Want winou. (Mt 6:9, 10) Mwi ngond wa 11, kashal muntu, tukusal usu wa kulejan Want wa Nzamb. (Mt 24:14) Tenchik program wey chakwel wipan nakash mu kampany winou. Akadivar nau anambaz akusala mudi ayibol ankwash ngond winou akutwish kupan asaa 30 ap 50.

Sal usu wa kwisamb nau antu avud a mu teritwar wey ukutana piur pa verse wisambidina Want wa Nzamb. Chisu utondina verse wa kutang, tongin piur pa yitiyij ya antu akukutesha. Anch muntu wamekesh anch usangaredin uruu umulejina kamp ka kusambish, mwinkisha Chinong cha Kalam No. 2 2020. Kupwa, muchirikina pakad kulab ni sal usu wa kusambish nend dilejan dia Bibil nich mukand udia mu Mushet Wetu wa Yom ya Kufundish Nich. Kwashal kal chisu chikemp chakwel Want wa Nzamb ushesh maguvernema mawonsu waubwambwidina. (Dan 2:44; 1Ko 15:24, 25) Chawiy lel, kangal twishalap kampany winou wa pakampwil ukutukwasha kumekesh kushinshaman kwetu kudi Yehova ni ku Want wend!