Lejan Rusangu Ruwamp Anch Ngand Yiwamp Nakash Yid Piswimp Ap!

Mwi Ngond wa 11, tukusal kampany wa pakampwil wa kulejan rusangu ruwamp anch ngand yiwamp yid piswimp ap. (Kus 37:10, 11; Kuj 21:3-5) Tenchik program wey mulong wa kwipan nakash mu kampany winou. Anch wizwish formiler mulong wa kusal uchibol nkwash ngond winou, ukutwish kutond kusal asaa 30 ap 50.

Irijeka mulong wa kuyilej antu avud verse wisambidina piur pa ngand yisu. Chisu utondina verse, tongijokin pa yom yikutwisha kuyisangaresh antu a mu teritwar wey. Anch muntu wamekesh anch usangaredin kapamp ka kusambish, mwinkisha Chinong cha Kalam No. 2 2021. Kupwa muchirikina pakad kulab ni sambish nend dilejan dia Bibil kusutin broshir Sanger Mwom Chikupu! Chisangareshin nakash kwikal akwatikena nakash mu kulejan “rusangu ruwamp, rawiy kamu rusangu ra chisambu”!​—Is 52:7.

TAL VIDEO WA MUMINY WA ORIJINAL ULONDINA ANCH MANGAND MASU MAKWEZA, NI KUPWA AKUL KU YIPUL YILONDWILAKU EY:

• Kachangadim twamana kal ak kad katongijokidin pa yiyukish ik yezina?

• Yiyukish ik ya mwi ngand yisu uchingedina ni impu nakash?

• Kutongijokin pa ruchingej rey kukutwish kukukwash mutapu ik kwirijek mulong wa kampany ukusadika mwi Ngond wa 11?​—Lk 6:45